Kormoranoj
 |
||||||||||||
|---|---|---|---|---|---|---|---|---|---|---|---|---|
 Phalacrocorax penicillatus
|
||||||||||||
| Biologia klasado | ||||||||||||
|
||||||||||||
Kormorano (Phalacrocorax) estas genro de grandaj akvobirdoj, preskaŭ tute nigraj, el la ordo de pelikanoformaj, kies ĉiuj piedfingroj estas kunligitaj per haŭto.[1] Populare oni nomas komorananoj ankaŭ aliaj falakrokorakedoj.
Kormoranoj kaj tufkormoranoj estas grandaj aŭ mezgrandaj marbirdoj. La plej granda parto, inter ili ĉiu nordhemisfera specio, havas ĉefe malhelan plumaron, sed kelkaj sudhemisferaj estas blankonigraj kaj kelkaj, kiel la novzelanda Makulita Tufkormorano, estas tre koloraj. Multaj specioj havas zonojn de kolora haŭto en vizaĝo (vango kaj gorĝo) kiuj povas esti brile bluaj, oranĝaj, ruĝaj aŭ flavaj, pli brilkolora dum bredado. La beko estas longa, pinta kaj akre hoka. La piedoj estas kvarfingraj kaj membranretaj.
Ili estas pli marbordaj ol oceanaj kaj kelkaj koloniigis internajn akvojn. Ili vivas tutmonde, krom sur la centraj pacifikaj insuloj.
Ĉiuj manĝas fiŝojn, angiletojn, serpentojn, ktp. Ili plonĝas, ne de alte kiel suloj, sed de la surfaco; kelkaj specioj duonsaltas por eniri en akvon pli sagece. Enakve ili subnaĝas per piedimpeto. Post fiŝkaptado kormoranoj iras surborde por sekigi la flugilojn streĉigante ilin antaŭ la suno. La plumaro de la kormoranoj ne estas akvorezista. Tio helpas por subnaĝado, ĉar la plumoj ne portas aerbobelojn.
Kormoranoj estas koloniaj kaj por nestigado uzas arbojn, rokajn insuletojn, klifojn, ktp. La ovoj estas blublankecaj. Ili bredas unufoje jare. La idoj estas manĝigitaj per elbuŝigo.
Tradicie kormoranoj estis uzataj de homoj en Ĉinio kaj Japanio, kie ili estas enhejmigitaj kaj trejnitaj por alporti fiŝojn al la posedantoj. Tio okazas ekzemple en Inuyama, gubernio de Aiĉi en Japanio aŭ en rivero Lijiang en Gilin en Ĉinio. Kelkaj surmetas ferringon ĉirkaŭ la birda kolo por ke tiu ne englutu la predon kaj alportu ĝin al la fiŝkaptisto, kiu poste donas al la kormorano kiel rekompencon fiŝeton kiun ja ĝi povas engluti.
Pro la kutimo sekigi la flugilojn kiel "kruco", kormoranoj estis uzataj kiel simboloj en la mezepoka heraldiko.
[redakti] Specioj
- Genro Phalacrocorax
- Brandta kormorano, Phalacrocorax penicillatus
- Duoble-kresta kormorano aŭ Blankakresta kormorano, Phalacrocorax auritus [2]
- Granda kormorano, Phalacrocorax carbo
- Brazila kormorano, Phalacrocorax brasilianus
- Olivkolora kormorano aŭ Meksika kormorano, Phalacrocorax olivaceus
- Pelaga kormorano aŭ Bairda kormorano, Phalacrocorax pelagicus
- Ruĝvizaĝa kormorano, Phalacrocorax urile
- Guana kormorano, Phalacrocorax bougainvillii
- Etnigra kormorano, Phalacrocorax sulcirostris
- India kormorano, Phalacrocorax fuscicollis
- Kaba kormorano, Phalacrocorax capensis
- Sokotora kormorano, Phalacrocorax nigrogularis
- Banka kormorano, Phalacrocorax neglectus
- Teminka kormorano, Phalacrocorax capillatus
- Ordinara kormorano, Phalacrocorax aristotelis
- Roka tufkormorano, Phalacrocorax magellanicus
- Longavosta kormorano, Phalacrocorax africanus
- Eta kormorano, Phalacrocorax niger
- Pigmea kormorano, Phalacrocorax pygmaeus
- Pita kormorano, Phalacrocorax featherstoni
- Flavvizaĝa kormorano, Phalacrocorax varius
- Reĝa tufkormorano, Phalacrocorax carunculatus
- Nigravizaĝa kormorano, Phalacrocorax fuscescens
- Ruĝkrura tufkormorano, Phalacrocorax gaimardi
- Makulita tufkormorano Phalacrocorax punctatus
- Blankaventra tufkormorano, Phalacrocorax albiventer
- Blanknigra kormorano, Phalacrocorax melanoleucos
- Stevarda tufkormorano, Phalacrocorax chalconotus
- Ĉathama tufkormorano, Phalacrocorax onslowi
- Aŭklanda tufkormorano, Phalacrocorax colensoi
- Kampbela tufkormorano, Phalacrocorax campbelli
- Buntia tufkormorano, Phalacrocorax ranfurlyi
