Malé Trakany
Bazaj informoj
Malé Trakany, hungare Kistárkány estas vilaĝo en Slovakio, en Regiono Košice, en Distrikto Trebišov. Malé kaj kis signifas: malgranda.
- Areo: 11 km²
- Alto super la marnivelo: 105 m
- Loĝantaro: 1180
- Poŝtkodo: 076 42
- Aŭtokodo: TV
- Telefonprefikso: 56
Situo
Malé Trakany situas sur ebenaĵo, laŭ dekstra bordo de Tiso, laŭ traira flankovojo, kontaktiĝanta kun Veľké Trakany. Kráľovský Chlmec troviĝas 13 km-ojn.
Historio
La unua mencio pri la vilaĝo devenis el la 13-a jarcento. Tiam la kampoj apartenis al familio Tárkányi (tArkAnji). Post jarcento jam formiĝis 2 apudaj vilaĝoj Granda kaj Malgranda "Tharkan" (la lasta aparte aperis en formo "Kystarkyan"). En 1910 loĝis en Kistárkány 1068 da homoj, (plejparte hungaroj). Ĝis Traktato de Trianon Kistárkány apartenis al Zemplén, al distrikto de Királyhelmec, poste al Ĉeĥoslovakio, fine ekde 1993 al Slovakio. Inter 1924-1948 tie funkciis uzino pri alkoholo. Inter 1938-1944 Kistárkány rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito la hungaroj iĝis senrajtaj laŭ Dekretoj de Beneš. En 2001 loĝis en Malé Trakany 1054 da homoj, (926 hungaroj, 67 slovakoj, 51 ciganoj).
Trilanda punkto Malé Trakany-Záhony-Solomonovo
Nova landlimo naskiĝis post 1920 inter la supraj komunumoj. Post la 2-a mondmilito naskiĝis la trilanda punkto. Precipe dum la socialismo la triopo prosperis pro la limpasejoj. Ekde 2008 Hungario kaj Slovakio apartenas al interna zono de Schengen, sekve la limo estas senĝene trapasebla. Al Hungario estas vojo tra Veľké Trakany, aŭ boate tra Tiso.