Hoštka

Ekzistas ankaŭ Hošťka.

Hoštka
germane Gastorf
urbo
Meze de urbo
Flago Blazono
Oficiala nomo: Hoštka
Ŝtato	Ĉeĥio
Regiono	Regiono Ústí nad Labem
Distrikto	Distrikto Litoměřice
Administra municipo	Štětí
Historiaj regionoj	Bohemio, Sudetio
Montaro	Doksa montetaro
Rojo	Obrtka
Situo	Hoštka
- alteco	184 m s. m.
- koordinatoj	50° 29′ 13″ N 14° 20′ 01″ O (mapo)
Areo	18,79 km² (1 879 ha)
Loĝantaro	1 785 (2024)
Denseco	95 loĝ./km²
Fondo	1266
Horzono	MET (UTC+1)
- somera tempo	MET (UTC+2)
Poŝtkodo	411 72
NUTS 3	CZ042
NUTS 4	CZ0423
NUTS 5	CZ0423 564877
Katastraj teritorioj	4
Partoj de urbo	4
Bazaj setlejunuoj	4
Situo enkadre de Ĉeĥio Situo enkadre de Ĉeĥio
Vikimedia Komunejo: Hoštka
Retpaĝo: www.hostka.cz
Portalo pri Ĉeĥio

Hoštka (Hoŝtka) estas urbo en Ĉeĥio en distrikto Litoměřice, regiono Ústí nad Labem.

La najbaraj municipoj de la setlejo estas Vrbice, Štětí, Úštěk, Vrutice, Račice, Snědovice, Polepy, Brzánky kaj Drahobuz.

Historio

Hoštka troviĝas en fekunda pejzaĝo proksime de la rivero Labe (Elbo). Unua skriba mencio pri la loko devenas el la jaro 1266, kiam ĝin fondis ĉeĥa reĝo Přemysl Otakar la 2-a. Ĝis sesdekaj jaroj de 14-a jarcento posedis la urbeton Mikuláš Srša kaj liaj posteŭloj. Dum tiu tempo estiĝis urba malsanulejo kaj gotika preĝejo de Sankta Otmaro.

Fine de 14-a jarcento akiris la urbeton pragaj episkopoj. Laŭ dokumento de episkopo Zbyněk el la jaro 1406 akiris urbanoj de Hoštka plenan liberecon regi sian propraĵon.

Dum husanaj militoj trairis la lokon armeo de militestro Žižka. Tial la urbeto estis damaĝita.

En la jaro 1577 urbon Hoštka akiris imperiestro Rudolfo la 2-a, kies privilegioj kaŭzis grandan ekonomian prosperon. Tiutempe la plej grandan signifon havis ŝtonminado. El la ŝtono oni produktis ŝtontabulojn, kiuj estis eksportataj eksterlanden, ekzemple por Katedralo Sankta Isaako de Sankt Peterburgo, Rusio. Fekundaj kampoj donis sufiĉe da greno, vito, frukto kaj precipe lupolo. De la jaro 1613 okazadis en urbeto foiro trifoje en jaro. Hoštka havis 2 urbajn pordegojn, en kiuj oni kolektadis enirimposton.

En urbeto estadis ankaŭ paperfabriko, kiu en la jaro 1844 tute forbrulis.

Pri graveco de la urbeto atestas ankaŭ la fakto, ke ĝi havis rajton ekzekuti la kondamnitojn.

Dum tridekjara milito (1618-1648) estis la urbeto denove detruita kaj la ĉirkaŭaĵo dezertigita. Tamen fine de la 17-a jarcento Hoštka denove kreskas populacie kaj ekonomie. Firmiĝis metioj kaj gildoj. La preĝejo de Sankta Otmaro estis alikonstruita.

En la jaroj 1735-1737 oni konstruis sur la ĉefa placo barokan kolonon de La plej sankta Triunuo por memorigi grandan incendion. En la jaro 1762 estis finkonstruita baroka preĝejo nomita Ĉieliro de Virgulino Maria.

En Hoštka ĉiam loĝis kune ĉeĥoj kaj germanoj. Germana baza lernejo estis konstruita en la jaro 1821, la ĉeĥa poste.

Per dekreto el la jaro 1853 estis la urbeto altigita al urbo. Tiam ĝi havis pli ol 2300 loĝantoj, la plej grandan nombron en sia tuta historio.

Post unua mondmilito pligrandiĝis en la urbo nombro de germanoj, kiuj ne emis resti en nova Ĉeĥoslovaka respubliko. Sinsekve venis al la urbo pluaj ĉeĥoj kaj jam en la jaro 1919 denove malfermiĝis ĉeĥa lernejo. Poste dum la dua mondmilito ĝi estis denove fermita.

En la jaro 1945 estis la germanoj ellandigitaj. Al iliaj lokoj venis ĉeĥoj kaj slovakoj precipe el orienta parto de lando. La urbo fariĝis vilaĝo. Estiĝis granda agrikultulra kooperativo kaj la kampoj kuniĝis en grandegajn kampegojn. Tio kompreneble havis eĉ negativan influon por naturo, ĉar malgrandiĝis sovaĝa bestaro.

De sepdekaj jaroj la vilaĝo videble disvolviĝas. Estas konstruita nova lernejo, sanitarejo, akvokondukilo kaj kanaliza reto. Post la jaro 1989 estas riparataj kulturaj memoraĵoj, preĝejoj, tombejo eĉ la stratetoj. Al ĉiu domo nun kondukas gaso, telefono, kabla televido kaj kompreneble elektro. Apud la rivereto Obrtka estiĝis fiŝlago, kiu samtempe servas kiel fajroestingista rezervujo.

De la jaro 2006 estas Hoštka denove urbo. Nuntempe en ĝi loĝas 1 785 loĝantoj (2024).

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	2 288
1880	2 389
1890	2 297
1900	2 168
1910	2 136
1921	2 082

Jaro	Loĝantoj
1930	2 157
1950	1 316
1961	1 266
1970	1 271
1980	1 220
1991	1 187

Jaro	Loĝantoj
2001	1 369
2014	1 727
2016	1 743
2017	1 728
2018	1 748
2019	1 749

Jaro	Loĝantoj
2020	1 751
2021	1 707
2022	1 751
2023	1 774
2024	1 785

Partoj de urbo

• Hoštka (k. t. Hoštka, antaŭe Hoštka u Roudnice nad Labem)
• Kochovice (k. t. Kochovice)
• Malešov (k. t. Malešov u Hoštky)
• Velešice (k. t. Velešice u Hoštky)