Sopot

	Sopot
	Devizo: Najmniejsze z wielkich miast; (la plej malgranda el la grandaj urboj)
Genitivo de la nomo	Sopotu
Provinco	Pomerio (provinco de Pollando)
Distrikto-rajta	Jes
Speco de komunumo	Urba
Urba komunumo	Jes
Koordinatoj	54° 26′ N, 18° 33′ O54.43333333333318.55Koordinatoj: 54° 26′ N, 18° 33′ O
Areo	17,31 km2
Loĝantaro	40075 (en 2006)
Loĝdenso	2315/km2
Poŝtkodo	81-701 do 81-878
Telefona antaŭkodo	58
Aŭtokodo	GSP
Estro	Jacek Karnowski
Titolo de estro	Prezidanto
Adreso de estraro	ul. Kościuszki 25/27
Retpoŝto de estraro	prezyd@sopot.pl
Poŝtkodo de estraro	81-704
Telefono de estraro	58 521-3750
Fakso de estraro	58 551-0133
Poŝto de estraro	ums@sopot.pl
Ĝemelaj urboj	(Israelo) Aŝkelon; (Germanio) Frankenthal; (Svedio) Karlshamn; (Danio) Naestved; (Rusio) Petergof; (Germanio) Ratzeburg; (Britio) Southend on Sea; (Pollando) Zakopane;
Komunuma retejo	http://www.sopot.pl
v • d • r

Ĉi tiu artikolo temas pri urbo en Pollando. Se vi serĉas informojn pri samnoma urbo en Bulgario, vidu la paĝon Sopot (Bulgario).

Sopot (prononco [ˈsɔpɔt]; germane Zoppot) estas banloka urbo en la nordo de Pollando en Pomerio. Ĝi situas ĉe la golfo de Gdansko borde de la Balta Maro. Kune kun la urboj Gdansko (pole Gdańsk, germane Danzig, ĝis 1945 en Esperanto Dancigo) kaj Gdynia (germane Gdingen) la urbo konsistigas la metropolan regionon Trójmiasto ("Triurbo"). Dum en la du najbaraj urboj dominas komerco, industrio kaj la urbaj havenoj, Sopot aparte profitas de la somera turismo kaj de ĉemaraj feriantoj.

Historio [redakti]

la urba marponto longas 650 metrojn

Sopot historie estis malgranda fiŝista vilaĝo. Dum la 13-a jarcento ĝi apartenis al la germanlingva monaĥejo Oliva, kaj de 1283 ĝis 1807 al la germanlingva Hansa urbo Dancigo (tiel Gdansko en Esperanto nomiĝis ĝis la jaro 1945), kun kiu ĝi dum la jaro 1793 iĝis parto de la same germanlingva reĝlando Prusio.

Kune kun la resto de Prusio, dum 1871 iĝis parto de la Germana Regno. Inter la jaroj 1920 kaj 1939 la urbo estis parto de la Libera Urbo Dancigo, inter la jaroj 1939 ĝis 1945 denove parto de la Germana Regno, kaj ekde 1945 apartenas al Pollando.

la "malrekta domo" en la urbocentro

Ekde la ekfloro de feria mara banado komence de la 19-a jarcento la urbo estis eleganta banloko kun kazino kaj grandaj hoteloj.

Krom la mara plaĝo ĉe la Golfo de Gdansko, la "Arbara Opero" estas kroma altiraĵo. Tie inter alie ĉiujare dum somero okazas la muzika festivalo Sopot Festival.