Lech Wałęsa

Lech Wałęsa
	Lech Wałęsa
	;
	Prezidento de Pollando; 2-a Prezidento de la Tria Respubliko
	En funkcio:; 22-a de decembro 1990 – 22-a de decembro 1995
Antaŭulo	Wojciech Jaruzelski (en la lando); Ryszard Kaczorowski (en ekzilo)
Sekvanto	Aleksander Kwaśniewski
	1-a Prezidanto de Solidareco
	En funkcio:; 1980 – 12-a de decembro 1990
Antaŭulo	oficejo kreita
Sekvanto	Marian Krzaklewski
Naskiĝo	29-a de septembro 1943; en Popowo apud Włocławek, t.e dum la Dua Mondmilito en okupita Pollando fare de Germanio (Tria Regno)
Nacieco	polo
Politika partio	Solidareco
Edzo/ino	Danuta Wałęsa
Infanoj	Bogdan - n. 1970; Sławomir - n. 1972; Przemysław - n. 1974; Jarosław - n. 1976; Magdalena - n. 1979; Anna - n. 1980; Maria Wiktoria - n. 1982; Brygida - n. 1985;
Profesio	elektristo
Religio	romkatoliko
v • d • r

Lech WAŁĘSA (Leĥ Vaŭensa [ˈlɛx vaˈwɛ̃sa] Aŭskulti ; naskiĝis la 29-an de septembro 1943 en Popowo ĉe Włocławek, tiam dum la Dua Mondmilito okupita de Germanio (Tria Regno), li estis gvidanto de sindikato Solidarność (Solidareco) kaj Ŝtatprezidanto de Pollando.

Enhavo

1 Biografio
- 1.1 Socia kaj politika agado
- 1.2 Voĉdonoj en la prezidenta baloto
2 Lech Walęsa kaj Esperanto
3 Flughaveno Lech Wałęsa en Gdansko
4 Eksteraj ligiloj
5 Referencoj

Biografio [redakti]

Socia kaj politika agado [redakti]

Negocoj de komunistoj kun anoj de Solidareco sub gvido de Prezidanto de Solidareco Lech Wałęsa ĉe la "ronda tablo", tio komencis la ŝanĝojn de la politiksistemo en Pollando, 1989

La unua Prezidanto de Solidareco Lech Wałęsa kaj Prezidento de Usono George H. W. Bush en julio 1989

Lech Wałęsa, - nomata ankaŭ Leszek, laboris ekde 1967 kiel elektristo en la Lenin-Ŝipfarejo en Gdansko / Gdańsk. Aŭguste en 1980, li gvidis tie strikon.

Post la dekreto de la militleĝo decembre en 1981, li konvinkiĝis por celo de la pollanda demokratiigo. En 1981 li ricevis titolon "Homo de la Jaro" de semajnrevuo Time (Tempo). En 1983 li estis ordenita per la Nobel-premio pri paco.

Post la politika ŝanĝo en 1989 kiun komencis la "ronda tablo" (vidu la foton), li estis inter 1990 kaj 1995 Prezidento de Pollando. Tiam montriĝis lia arbitra kaj nekompromisa konduto, kio kondukis lin al malvenko en la 1995-a prezidenta baloto kontraŭ la iama komunisto Aleksander Kwaśniewski. Ekde tiam li provis ĉiam reveni sur la scenejon de la politiko, sed li neniam plu reakiris sian iaman popularecon.

Liaj pli fruaj sindikataj kunbatalantoj kiel ekzemple Anna Walentynowicz, akuzis lin poste pri tro granda kompromiso en debatoj kun la komunistoj kaj pli poste akuzis lin pro nereprezento de la laboristaj aferoj.

Lech Wałęsa estas kavaliro de la Ordeno de Blanka Aglo, la plej alta ŝtata honorigo de la Pola Respubliko.

Voĉdonoj en la prezidenta baloto [redakti]

1990: 74%
1995: 48,3%
2000: 1%

Lech Walęsa kaj Esperanto [redakti]

Li estas Honora Membro de Internacia Katolika Unuiĝo Esperantista (IKUE), la 30-an de majo 1984 li en skriba mesaĝo tion akceptis, kaj oficiale oni atribuis al li la Honoran Membrecon de IKUE en 1987 dum la 72-a UK en Varsovio. Lech Walęsa venis al la 3-a Junulara E-Semajno (JES) en Gdansko / Gdańsk tio okazis fine de decembro de 2011 jaro.^[1]^[2].