Cernina

Cernina, hungare Felsőcsernye [felŝOĉernje], rutene Цернина [cernina] estas malgranda vilaĝeto kaj municipo en la Distrikto Svidník en la Regiono Prešov de nord-orienta Slovakio.

Enhavo

Cernina situas sur deklivo laŭ flankovojoj. Svidník troviĝas je 12 km-oj.

En historiaj rekordoj, la vilaĝo unue estis menciita en 1414 en formo "Cyronna". La unuaj loĝantoj estis paŝtistoj. En 1427 16 familioj pagis impostojn. Fine de la 15-a jarcento la poloj detruis la vilaĝon. En 1787 480 vilaĝanoj loĝis en 80 domoj, en 1828 657 vilaĝanoj loĝis en 89 domoj. En la 19-a jarcento multaj migris al Ameriko. En 1910 laŭ la popolnombrado vivis en Felsőcsernye 669 homoj, (plejparte rutenoj). Ĝis Traktato de Trianon la komunumo apartenis al Hungara reĝlando, al Sáros, al distrikto de Felsővízköz, poste al Ĉeĥoslovaka respubliko, dum la 2-a mondmilito kaj ekde 1993 al Slovakio. En 1945 la vilaĝo bruldetruiĝis pro la bataloj. En 2001 vivis en Cernina 589 homoj, (478 slovakoj, 70 rutenoj, 31 ciganoj).