Kaating-enklavaj humidaj arbaroj

El Vikipedio, la libera enciklopedio
Saltu al: navigado, serĉo
Situo de la ekoregiono.

La kaating-enklavaj humidaj arbaroj estas tersupraĵa ekoregiono el la orient-sudamerika ekoprovinco de la neotropisa ekozono laŭ la tipologio de la Monda Natur-Fonduso (WWF). Biome la ekoregiono apartenas al tropikaj kaj subtropikaj humidaj foliarbaroj. Temas pri parto de biodiverseco-riĉaĵejo kaj de tutmondaj 200-regiono, la Atlantikaj arbaroj, el nordorienta Brazilo. La ekoregiono konsistas el serio de arbarinsuloj en la sekaj kaatingaj kserofitaroj kaj dornarbaroj kaj ceradaj savanoj.

Priskribo[redakti | redakti fonton]

La kaating-enklavaj humidaj arbaroj kovras areon de 4 800 kvadrataj kilometroj en nordorienta Brazilo. La enklavoj ĉefe troviĝas sur kvar gravaj regionaj altebenaĵoj, Chapada do Araripe, Serra de Ibiapaba, Serra de Baturité, kaj Borborema Altebenaĵo. La enklavoj situas sur lofaj deklivoj kaj altebenaĵoj inter altitudoj de 600 kaj 800 m.

Flaŭro[redakti | redakti fonton]

Satelita bildo de norda Brazilo, kun indiko de la limoj (flave) de la ekoregiono.

La precipa vegetaĵaro-tipo estas kvazaŭ-decidua arbaro kun kvar vegetaĵaro-etaĝoj kaj emerĝantaj arboj pli malgrandaj ol 30 metrojn. La arbaro ĝenerale estas konsisto-simila al tiu de la Atlantikaj arbaroj pli fore orienten, sed enhavas speciojn el la Kaatingo, el la Cerado kaj plie el la Amazona arbaro. La emerĝa kaj kanopea tavoloj ĉefe konsistas el arbospecioj de la familioj de fabacoj (Peltophorum dubium), meliacoj (Cedrela fissilis) kaj apocinacoj (Aspidosperma parvifolium).

Faŭno[redakti | redakti fonton]

Kaating-enklavaj humidaj arbaroj en Chapada do Araripe, Cearao, Brazilo.

La faŭno asociita kun tiu vivejo prezentas proksiman parencon kaj kun tiu de la Amazona arbaro kaj kun tiu de la Atlantikaj arbaroj, kaj pli malproksiman parencon kun tiu de la Kaatingo. Bestoj asociitaj kun tiu vivejo inkludas birdojn kiel Pyrrhura griseipectus (psitakoformaj), Picumnus limae (pegedoj), Conopophaga lineata cearae (konopofagedoj) kaj Antilophia bokermanni (pipredoj), ranojn kiel Adelophryne baturitensis kaj A. maranguapensis, kaj lacertulojn kiel Mabuya arajara kaj Leposoma baturitensis. Kontraste al aliaj grupoj, nur ununura specio de mamuloj estas endemia en tiuj humidaj arbaroinsuloj, la freŝdate priskribita Rhipidomys cariri ( ronĝuloj )[1].

Minacoj kaj konservado[redakti | redakti fonton]

La plimulto de la birdoj, endemiaj en tiuj humidaj arbarinsuloj estas konsiderata kiel endanĝerigita, primare kaŭze de habitatodetruo laŭ Birda Vivo Internacie kaj do laŭ la Internacia Unio por la Konservo de Naturo (IUCN). Ĝenerale la statuso de aliaj bestoj kompare estas malbone sciata, sed ĝi estas verŝajne simila al tiu de la birdoj.

Referencoj[redakti | redakti fonton]

  1. Tribe, C. J. 2005 : A new species of Rhipidomys (Rodentia, Muroidea) from north-eastern Brazil. Arquivos do Museu Nacional, Rio de Janeiro, 63(1): 131-146

Vidu ankaŭ[redakti | redakti fonton]


Neotropisaj tropikaj kaj subtropikaj humidaj foliarbaroj
NT0101 Araŭkariaj humidaj arbaroj Argentino, Brazilo
NT0102 Atlantik-marbordaj restingaoj Brazilo
NT0103 Bahiaj marbordaj arbaroj Brazilo
NT0105 Boliviaj jungaoj Bolivio, Peruo
NT0106 Kaating-enklavaj humidaj arbaroj Brazilo
NT0116 Kokos-insulaj humidaj arbaroj Kostariko
NT0117 Mar-andaj montarbaroj Venezuelo
NT0120 Kubaj humidaj arbaroj Kubo
NT0121 Montarbaroj de orienta Reĝa Kordilero Ekvadoro, Kolombio, Peruo
NT0131 Jamajkaj humidaj arbaroj Jamajko
NT0142 Napaj humidaj arbaroj Ekvadoro, Kolombio, Peruo
NT0144 Nordorient-brazilaj restingaoj Brazilo
NT0148 Centlaj marĉarbaroj Meksiko
NT0151 Pernambukaj marbordaj arbaroj Brazilo
NT0152 Pernambukaj landinternaj arbaroj Brazilo
NT0153 Peruaj jungaoj Peruo
NT0154 Petenaj-verakrucaj humidaj arbaroj Gvatemalo, Meksiko
NT0160 Marbordaj arbaroj de Serra do Mar Brazilo
NT0162 Ĉiapas-patrinmontaraj humidaj arbaroj Gvatemalo, Meksiko, Salvadoro
NT0164 Sud-floridaj rokejoj Usono
NT0165 Sud-andaj jungaoj Argentino, Bolivio
NT0166 Humidaj arbaroj de sudokcidenta Amazonio Brazilo, Bolivio, Peruo
NT0167 Talamankaj montarbaroj Kostariko, Panamo
NT0176 Verakrucaj humidaj arbaroj Meksiko

Eksteraj ligiloj[redakti | redakti fonton]