Somera Olimpiko 2020

El Vikipedio, la libera enciklopedio
Salti al navigilo Salti al serĉilo
Kunlaboraĵo de la semajno Ĉi tiu artikolo estas propono por Kunlaboraĵo de la semajno. Bonvolu vidi la aldonon de ĉi tiu paĝo por subteni aŭ prikomenti la proponon.
XXXII Somera Olimpiko
2020 Summer Olympics text logo.svg
Loko: Tokio (Flago-de-Japanio.svg Japanio)
Komenca dato: La 23-a de Julio 2021
Fina dato: La 8-a de Aŭgusto 2021
Nombro de nacioj:
Nombro de sportistoj: (viroj / inoj)

( / )
Nombroj de sportoj:
33 (50 sportfakoj)
Aliaj kandidatoj:
Information icon.svg
vdr

La 32-a Somera Olimpiko (aŭ Someraj Olimpiaj Ludoj) okazos de la 23-a de Julio 2021 ĝis la 8-a de Aŭgusto 2021 en Tokio, Flago-de-Japanio.svg Japanio. La oficiala nomo estas Ludoj de la 32-a Olimpiado. Pro la mondomilitoj ĝi estos la 29-a okazo. Origine ĝi devus okazi en somero de 2020, sed pro la Pandemio de COVID-19, oni prokrastis ĝian okazon je unu jaro.[1] Malgraŭ la prokrasto la nomo Tokyo 2020 restas.[2] La Japana ĉefurbo jam en 1964 estis loko de la 18-aj someraj Olimpiaj ludoj. En la plursporta evento okazos 339 konkursoj de 50 sportfakoj de 33 sportoj.[3] La decidon anoncis la Internacia Olimpia Komitato la 7-an de Septembro 2013 en Bonaero.[4]

Someraj Olimpikoj estas grava internacia sportaj kaj kulturaj festivaloj, kiuj celebriĝos en la tradicio de la Olimpiaj ludoj.

Kandidatintaj urboj[redakti | redakti fonton]

Ĝis la 1-a de Septembro 2011 Nacia Olimpia Komitato devis anonci, ke urbo de ties lando volas aranĝi la Olimpiajn ludojn. La ses urboj, kiuj kandidatiĝis estis: Bakuo (Azerbajĝano), Doho (Kataro), Istanbulo (Turkujo), Madrido (Hispanujo), Romo (Italujo) kaj Tokio (Japanujo).[5] Duonan jaron poste Romo rezignis sian kandidatiĝon, ĉar la itala registaro ne volis subteni la ludojn finance.[6] La 23-an de Majo 2012 la IOK anoncis tri urbojn el kiuj la membroj de la IOK elektis la aranĝontan urbon. Ili estis Istanbulo, Madrido kaj Tokio.[7] En kunsido je la 7-a de Septembro 2013 urbo bezonis almenaŭ 50 procentoj de la voĉoj por esti la aranĝonta loko. Neniu urbo atingis tion en la unua voĉdono. Ĉar Istanbulo kaj Madrido ricevis saman nombron de voĉoj okazis decida voĉdono inter tiuj urboj. La nombro de la voĉdonintoj ŝanĝiĝis, ĉar neniu membro rajtas voĉdoni kiam urbo de ties ŝtato estas elektebla. Oni ankaŭ supozas, ke iuj voĉodonintoj estas subaĉetitaj.

Elekto de la gastigonta urbo
Urbo Ŝtato 1-a voĉdono decida voĉdono 2-a voĉdono
Tokio Flag of Japan.svg Japanujo 42 60
Istanbulo Flag of Turkey.svg Turkujo 26 49 36
Madrido Flag of Spain.svg Hispanujo 26 45
Voĉdonintoj 94 94 96

Sportoj[redakti | redakti fonton]

La 9-an de Junio 2017 la estraro de la IOK aprobis la programon de la ludoj.[8] Okazos 339 konkursoj en 33 sportoj ampleksante 50 fakojn. Kompare al la ludoj de 2016 tio estas pligrandigo de 15 konkursoj. Samtempe tamen la nombro de sportistoj estas 285 homoj malpli granda ol antaŭ kvar jaroj. Kvin sportoj unuafoje estas en la programo: Karateo, ondorajdado, softbalo, sporta grimpado kaj rultabulado. Ĉiuj sportoj de 2016 reaperis en tiuj ludoj.

La 12-an de Februaro 2013 la estraro de la IOK anoncis la 25 kernosportojn, kiujn ĝi rekomendas kune kun la du novaj sportoj de 2016 – golfo kaj rugbeo sepopa.[9] Surprize estis, ke luktado unue ne estis rekomendita. La sporto jam estis en la antikvaj Olimpiaj ludoj kaj krom 1900 en ĉiuj modernaj ludoj. La IOK bazis sian decidon sur analizo de la 26 sportoj per 39 kriterioj ekz. spektantoj, venditaj biletoj aŭ membronombro. Pri la 28-a sporto la estraro el ok sportoj elektis tri. El tiuj kunsido de la IOK je la 8-a de Septembro 2013 elektis luktadon. Laŭ la Agendo 2020 la gastigonto ankaŭ povas proponi sportojn. El la proponitaj sportoj la 3-an de Aŭgusto 2016 la IOK anoncis, ke la kvin sportoj bazopilkado/softbalo, karateo, ondorajdado, sporta grimpado kaj rultabulado estos en la programo. Tiu decido validos nur por ĉi tiuj Olimpiaj ludoj.

En la sekvanta tabelo la ŝanĝoj al la ludoj de 2016 estas listigitaj. Se ne estas alie indikita, temas pri po unu konkurso por viroj kaj virinoj.

Datoj[redakti | redakti fonton]

Prokrasto[redakti | redakti fonton]

La 3-an de Marto 2020 parolanto de la IOK anoncis, ke la ludoj okazos kiel planita.[10] La 23-an de Marto la japana ĉefministro Ŝinzo Abe esprimis subtenon de prokrasto. Kanado tiam jam decidis retiri sian teamon.[11] Post longa hezito Ŝinzo Abe kaj la prezidanto de la IOK Thomas Bach anoncis prokraston de la ludoj pro la pandemio de COVID-19. Unue estis nur klara, ke ili ne okazos pli poste ol somero de 2021. La 30-an de Marto 2020 la IOK kaj la Tokia Aranĝanta Komitato anoncis la novan daton de la ludoj. Ili okazos preskaŭ unu jaron post la origina dato. La malferma ceremono okazos la 23-an de Julio 2021 kaj la malferma la 8-an de Aŭgusto 2021. Tio ankaŭ signifas, ke ili ree okazu dum la somero kiam oni atendas malfacile elteneblan varmegon. Tio estas la unua fojo, ke ili ne okazas en la komencojaro de Olimpiado.

Programo[redakti | redakti fonton]

    Malferma kaj ferma ceremonio         Kvalifika konkurso      x  Finalaj konkursoj

Lasta kolumno: tuta nombro de decidoj en la unuopaj sportaj branĉoj

Eksprogramo de la Olimpiaj ludoj de 2020 (kun nombro de la medalaj aljuĝoj)
Julio Aŭgusto
Sportofakoj 22
Me
23
Ĵa
24
Ve
25
Sa
26
Di
27
Lu
28
Ma
29
Me
30
Ĵa
31
Ve
01
Sa
02
Di
03
Lu
04
Ma
05
Me
06
Ĵa
07
Ve
08
Sa
09
Di
Entute
Ceremonio
Arkopafado 1 1 1 1 1 5
Atletiko 2 3 5 5 6 5 7 7 7 1 48
Badmintono 1 1 1 2 5
Bazopilkado/
Softbalo
Bazopilkado 1 1
Softbalo 1 1
Biciklado BMX liberstila 2 2
BMX vetkura 2 2
Montobiciklado 1 1 2
Traka biciklado 1 2 1 2 2 1 3 12
Voja biciklado 1 1 2 4
Boksado 2 1 1 1 4 4 13
Flugpilkado Hala 1 1 2
Plaĝa 1 1 2
Futbalo 1 1 2
Gimnastiko Arta 1 1 1 1 4 3 3 14
Ritma 1 1 2
Trampolina 1 1 2
Golfo 1 1 2
Halterlevado 1 2 1 2 1 2 1 2 1 1 14
Hokeo 1 1 2
Ĵudo 2 2 2 2 2 2 2 1 15
Kajakado-kanuado Mallongdistanca kurumo 4 4 4 12
Slalomo 1 1 1 1 4
Karateo 3 3 2 8
Korbopilkado Korbopilkado 3×3 2 2
Korbopilkado 1 1 2
Luktado 3 3 3 3 3 3 18
Manpilkado 1 1 2
Moderna kvinbatalo 1 1 2
Naĝado Akvopilkado 1 1 2
Maratona naĝado 1 1 2
Naĝkonkurenco 4 4 4 5 5 4 4 5 35
Plonĝado 1 1 1 1 1 1 1 1 8
Sinkrona naĝado 1 1 2
Ondorajdado 2 * * * * 2
Pafado Fusilo kaj pistolo 2 2 2 1 1 2 10
Kartoĉa fusilo 2 2 1 5
Rajdado Dresrajdado 1 1 2
Tritaga konkurso 2 2
Ĉevalsaltado 1 1 2
Remado 2 4 4 4 14
Rugbeo sepopa 1 1 2
Rultabulado Parko 1 1 2
Strato 1 1 2
Skermo 2 2 2 1 1 1 1 1 1 12
Sporta grimpado 1 1 2
Tabloteniso 1 1 1 1 1 5
Tekvondo 2 2 2 2 8
Teniso 1 1 3 5
Triatlono 1 1 1 3
Velado 2 2 2 2 2 10
Medalaj aljuĝoj 11 18 21 22 23 17 22 19 26 22 14 17 28 22 34 13 339
22
Me
23
Ĵa
24
Ve
25
Sa
26
Di
27
Lu
28
Ma
29
Me
30
Ĵa
31
Ve
01
Sa
02
Di
03
Lu
04
Ma
05
Me
06
Ĵa
07
Ve
08
Sa
09
Di
Entute
fonto: https://tokyo2020.org/en/games/schedule/olympic/

* = Ĉar ondorajdado ege dependas de la eco de la ondoj, la tempolplano povos esti ŝanĝita.

Partoprenantoj[redakti | redakti fonton]

Mapo de la kvalifikitaj landoj

Atletoj de ĉiuj Naciaj Olimpiaj Komitatoj (NOK) povas kvalifiki sin por la ludoj. Tamen la 9-an de Decembro 2019 la monda kontraŭdopa organizaĵo WADA malpermesis al Rusujaj atletoj partopreni sub Rusuja flago por daŭro de kvar jaroj. Tiu decido estis rezulto de la ŝtata dopa skandalo.[12][13] Atletoj el Rusujo nur rajtas partopreni sub neŭtrala flago kaj kiam ili povas pruvi, ke ili ne dopas.

Nord-Makedonujo unuafoje partoprenas per sia nova nomo. Laŭ la 8-a de Marto 2020 sportistoj de 153 NOK (inkluzive rusujanoj) kvalifikis sin por la ludoj. La gastigonto Japanujo en multaj konkursoj estas aŭtomate kvalifikita.

Afriko (39 NOK)
Ameriko (31 NOK)
Azio (30 NOK)
Eŭropo (45 NOK)
Oceanio (7 NOK)
Aliaj

Konkursejoj[redakti | redakti fonton]

La Olimpia vilaĝo troviĝos en la kvartalo Ĉuo. Ĝi havos litojn por 18.000 personoj. Post la paralimpiaj ludoj la loĝejoj estos vendataj kiel apartamentoj. La ludoj okazos en 42 konkursejoj. La areo ĉirkaŭ la Olimpia vilaĝo estas dividata en du subareoj: la hereda areo kaj la Tokia golfa areo. La plejparto de la konkursejoj troviĝas ene de ok kilometroj de la Olimpia vilaĝo. La malferma kaj ferma ceremonioj okazos en la Nova Nacia Stadiono (Olimpia Stadiono). Ĝi estas nove konstruita stadiono sur la sama loko de la Olimpia stadiono de 1964.

Hereda areo

  1. Olimpia stadiono:
    Olympic Rings Icon.svgMalferma kaj ferma ceremonio
    Athletics pictogram.svgAtletiko
    Football pictogram.svgFutbalo
  2. Tokia urbega gimnastejo:
    Table tennis pictogram.svgTabloteniso
  3. Nacia stadiono de Yoyogi:
    Handball pictogram.svgManpilkado
  4. Nippon Budokan:
    Judo pictogram.svgĴudo
    Karate pictogram.svgKarateo
  5. Internacia forumo de Tokio:
    Weightlifting pictogram.svgHalterlevado
  6. Areno de Kokugikan:
    Boxing pictogram.svgBoksado
  7. Ĉevalosporta parko:
    Equestrian pictogram.svgRajdado
  8. Musashino Forest Sport Plaza:
    Badminton pictogram.svgBadmintono
    Modern pentathlon pictogram.svgModerna pentatlono (skermo)
  9. Stadiono de Tokio:
    Football pictogram.svgFutbalo
    Modern pentathlon pictogram.svgModerna pentatlono (kurado, naĝado, rajdado, skermo)
    Rugby sevens pictogram.svgRugbeo
  10. Parko de Musashinonomori:
    Cycling (road) pictogram.svgVoja biciklado (starto de la voja konkurso)

Malproksimaj konkursejoj

  1. Ondorajdada plaĝo de Tsurigasaki:
    Surfing pictogram transparent.svgOndorajdado
  2. Saitama Super Arena:
    Basketball pictogram.svgKorbopilkado
  3. Pafadejo de Asaka:
    Shooting pictogram.svgPafado
  4. Kasumigaseki Country Club:
    Golf pictogram.svgGolfo
  5. Jaĥta haveno de Enoshima:
    Sailing pictogram.svgVelado
  6. Ciklodromo de Izu:
    Cycling (track) pictogram.svgTraka biciklado
  7. Montobicikla konkursejo de Izu:
    Cycling (mountain biking) pictogram.svgMontobiciklado
  8. Fuji International Speedway:
    Cycling (road) pictogram.svgVoja biciklado (individua tempokurumo, fino de voja biciklado)
  9. Bazopilkada stadiono de Fukushima Azuma:
    Baseball pictogram.svgBazopilkado
    Softball pictogram.svgSoftbalo
  10. Bazopilkada stadiono de Yokohama:
    Baseball pictogram.svgBazopilkado
    Softball pictogram.svgSoftbalo
  11. Kupolo de Sapporo:
    Football pictogram.svgFutbalo
  12. Stadiono de Miyagi:
    Football pictogram.svgFutbalo
  13. Stadiono de Ibaraki Kashima:
    Football pictogram.svgFutbalo
  14. Stadiono de Saitama:
    Football pictogram.svgFutbalo
  15. Internacia stadiono de Yokohama:
    Football pictogram.svgFutbalo
  16. Parko Odori:
    Athletics pictogram.svgAtletiko (Maratono, marŝkurado)

Tokia golfa areo

  1. Areno de Ariake:
    Volleyball (indoor) pictogram.svgFlugpilkado (hala)
  2. Gimnastika centro de Ariake:
    Gymnastics (artistic) pictogram.svgGimnastiko
  3. Urba sporta parko de Ariake:
    BMX freestyle pictogram.svgBiciklado (BMX liberstila)
    Cycling (BMX) pictogram.svgBiciklado (BMX vetkura)
    Skateboarding pictogram.svgRultabulado
  4. Tenisa parko de Ariake:
    Tennis pictogram.svgTeniso
  5. Mara parko de Odaiba:
    Open water swimming pictogram.svgMaratona naĝado
    Triathlon pictogram.svgTriatlono
  6. Parko de Shiokaze:
    Volleyball (beach) pictogram.svgFlugpilkado (plaĝa)
  7. Urba sporta parko de Aomi:
    3x3 basketball pictogram.svgKorbopilkado 3×3
    Climbing pictogram.svgSporta grimpado
  8. Hokeo stadiono de Oi:
    Field hockey pictogram.svgHokeo
  9. Sea Forest Cross-Country Course:
    Equestrian Eventing pictogram.svgTritaga konkurso (Tratereno)
  10. Sea Forest Waterway:
    Canoeing (flatwater) pictogram.svgMallongdistanca kajakado-kanuado
    Rowing pictogram.svgRemado
  11. Kajakado-Kanuada slaloma centro de Kasai:
    Canoeing (slalom) pictogram.svgKajakado-kanuada slalomo
  12. Arkpafada parko de Yumenoshima:
    Archery pictogram.svgArpafado
  13. Akvosporta centro de Tokio:
    Swimming pictogram.svgNaĝkonkurenco
    Diving pictogram.svgPlonĝado
    Synchronized swimming pictogram.svgSinkrona naĝado
  14. Akvopilkada centro de Tatsumi:
    Water polo pictogram.svgAkvopilkado
  15. Makuhari Messe Hall A:
    Wrestling pictogram.svgLuktado
    Taekwondo pictogram.svgTekvondo
  16. Makuhari Messe Hall B:
    Fencing pictogram.svgSkermo

Aliaj gravaj ejoj

  1. Olimpia vilaĝo
  2. Tokyo Big Sight:
    Internacia dissenda centro
    Ĉefa amaskomunikila centro
  3. Imperia hotelo:
    Sidejo de la IOK
La Olimpia stadiono
Nacia stadiono de Yoyogi
La Areno de Ariake
Konstruejo de la urba sporta parko de Ariake
Akvosporta centro de Tokio
Akvopilkada centro de Tatsumi
Tokyo Big Sight

Torĉa stafetokuro[redakti | redakti fonton]

La torĉo vojaĝos dum 121 tagoj tra ĉiu de la 47 gubernioj de Japanujo. La torĉo estis flamigita per la tradicia ceremonio la 12-an de Marto 2020 en la antika Olimpio. Post semajno en Grekujo la torĉo alvenis en Japanujo la 20-an de Marto. Sed tiu stafetokuro estis interrompita. La sekvantaj datoj estas tiuj de la origina kuro. Unue ĝi estos speciale elmontrita en la tri gubernioj, kiuj estis plej severe trafitaj de la tertremo de Sendajo en 2011. La torĉa stafetokuro mem komencos la 26-an de Marto en Fukuŝima kaj finos la 24-an de Julio dum la malferma ceremonio en la Nova Nacia Stadiono en Tokio. Ĉar estas tro malfacile teni la Olimpian fajron en la stadiono, alia fajro estas ĉe la ponto Yume-on-Ohashi en Ariake estos flamigita.[14] La torĉo pasigos pro tri tagojn en la gubernioj Fukuŝima, Iŭate kaj Mijagi (La tri plej severe trafitaj gubernioj). La torĉo ankaŭ pasigos po tri tagojn en Ĉiba, Kanagava, Sajtama kaj Ŝizuoka. Tie okazos pluraj konkursoj dum la Olimpiaj ludoj. En la gubernio Tokio la torĉo restos 15 tagojn kaj en la aliaj 39 gubernioj po du tagojn.

La unuaj torĉoportantoj estos la japanaj virinaj futbalaj ĉampionoj de 2011. Ili komencos la stafeton en trejnocentro 18 km for de la nuklea centralo Fukuŝima 1. En tiu futbala trejnocentro laboristoj, kiuj forigis radioaktivan rubon, estis loĝigitaj.[15]

La torĉo longas 71 cm kaj pezas 1,2 kg. 30% de la materialo estas reuzita Aluminio, kion oni uzis en konstruado de portempaj loĝejoj por homoj, kiuj perdis iliajn hejmojn dum la katastrofo.[15]

Biletoj[redakti | redakti fonton]

Biletoj por la malferma ceremonio kostas inter 12.000 kaj 300.000 Japanaj enoj. Por la ferma ceremonio ili kostas inter 12.000 kaj 220.000 enoj. Por vidi konkurson oni povas pagi inter 2.500 kaj 130.000 enoj. Grandajn partojn de la maratonoj, voja biciklado, triatlonoj kaj marŝkurado oni povas spekti senpage. 50% de la biletoj kostas maksimume ĝis 8.000 enoj. Iuj biletoj kostas nur simbolan prezon de 2.020 enoj. Familioj, grupoj, kiuj inkluzivas infanojn, emeritojn aŭ malkapablulojn povas aĉeti ilin. La sama prezo ankaŭ validas por lernejanoj kadre de lerneja programo.[16]

En Japanujo oni povas aĉeti biletojn en 40.000 vendejo.[17] Ekster Japanujo nur "rajtigitaj bileto-revendejoj" povas vendi biletojn ekde la 15-a de Junio 2019.

Loĝantoj de Japanujo estas la unuaj, kiuj povas aĉeti biletojn interrete. Ili estas venditaj en tri etapoj en 2019 kaj 2020. La du unuaj estas lotadoj. Por la unua lotado 7,5 milionoj da homoj registriĝis por gajni unu el la pli ol 3,2 milionoj da biletoj inter la 9-a kaj 28-a de Majo 2019. Pro la multo da vizitantoj okazas alia lotado de la 8-a ĝis la 19-a de Aŭgusto, kiam 350.000 biletoj estas lotumitaj. En la dua lotado pli ol unu milionoj da biletoj estas lotumitaj de la 13-a ĝis al 26-a de Novembro. En la tria etapo la biletoj estos venditaj al la plej rapidaj aĉetanoj. Tiam ankaŭ loĝantoj ekster Japanujo povos aĉeti biletojn interrete per la oficiala paĝo. Unue Japanujanoj povos aĉeti ilin de la 28-a de Aprilo ĝis la 7-a de Majo kaj poste la eksterjapanujuloj.[18]

Medaloj[redakti | redakti fonton]

La 24-an de Julio 2019, unu jaron antaŭ la origina komenco de la ludoj, la medaloj estis prezentitaj al la publiko. La antaŭa flanko montras Nikon (la helena dio de venko) antaŭ la Tut-atena Stadiono. Sur la malantaŭa flanko videblas la emblemo inkluzive la angla nomo Tokyo 2020 kaj la kvin Olimpiaj ringoj. La aspekton fasonis Junichi Kawanichi. Kawanichi estas venkinto de konkurso por fasoni la medalojn. En tiu konkurso partoprenis 400 fasonistoj kaj fasono-studantoj. La medaloj estas produktitaj el reuzitaj noblaj metaloj. Ilin oni gajnis el elektronikaj iloj kiel saĝtelefonoj aŭ similaj iloj, kiujn homoj donacis.[19]

Emblemo[redakti | redakti fonton]

La emblemo de la ludoj estis prezentita al la publiko la 24-an de Julio 2015. Ĝi montras stiligitan T kun ruĝa disko. La T reprezentu la anglajn vortojn Tokyo (Tokio), Tomorrow (morgaŭ) kaj Team (teamo). La ruĝa disko reprezentu povon de batanta koro kaj la Japanan flagon.[20] La kreinto de la emblemo de la Téâtre de Liège, Olivier Debi, juĝe volis preventi ties uzon, ĉar ĝi siaopinie estis plagiato de sia embelmo.[21] La 1-an de Septembro 2015 oni anoncis, ke oni elektos novan emblemon. La 8-an de Aprilo 2016 ĝi estis prezentita. Ĝin kreis Asao Tokolo. La emblemo montras multajn indigajn rektangulojn, kiuj formas cirklon. La indiga koloro estas tradicia Japana koloro. La rektanguloj en tri diversaj formoj reprezentu diversajn landojn, kulturojn kaj pensmanierojn. Tio enhavu la mesaĝon „unueco en diverseco“.

Kritiko[redakti | redakti fonton]

Suspekto de subaĉeto[redakti | redakti fonton]

En Decembro de 2015 Parizaj financkrimaj enketistoj komencis enketi du pagojn de Japana konto al la Singapura konsila firmao Black Tidings.[22] Temas pri kvanto de 2,8 milionoj da singapuraj dolaroj. La pagoj okazis en Junio kaj Oktobro de 2013 kun la rimarko „Tokio 2020 Olimpiaj Ludoj-kandidatiĝo“ (Tokyo 2020 Olympic Game Bid).[23] La tenanto de Black Tidings , Tan Tong Han, estas proksimulo de Papa Massata Diack - filo de Lamine Diack, kiu estas eksa estro la IAAF.[24] Ĉi tiu enketo komenciĝis ene de alia enketo pri aliaj suspektoj de subaĉeto kaj ĉantiĝo de ambaŭ. Pri Lamine Diack estas konata, ke li havis influon sur kelkaj afrikaj membroj de la IOK.

En Januaro de 2019 la Francaj enketistoj ankaŭ komencis enketi pri Tsunekazu Takeda, la tiama prezidanto de la Japana Olimpia komitato kaj estrarano de la IOK. Laŭ la enketistoj li aprobis la du pagojn al la Singapura firmao.[25] Pro la enketo li anoncis en Marto 2019, ke li rezignis siajn postenojn.[24]

Varmego[redakti | redakti fonton]

La ludoj povos esti la plej varmaj de la historio. Kiam Tokio aranĝis la ludojn en 1964 ili okazis dum Oktobro por eviti la varmegon de la somero. En la dek lastaj jaroj antaŭ ĉi tiuj ludoj la mezuma taga temperaturo de Aŭgusto estis 28°C - jam 1,4°C pli varma ol antaŭ 1964.[26] Krom la tutmonda varmiĝo ankaŭ la efiko de la urba varmo-insulo malhelpas al la situacio.[27] Laŭ Dick Pound (eks-ano de la Olimpia Komitato kaj Televida Negoaca Komitato) la ĉefa kialo, kial la ludoj tamen okazos en somero, estas la granda influo de la usona televido. La usona televida firmao NBC estas respondeca por la duono da enspezoj de la telekomunikaj sendorajtoj, kiuj mem konsistigas tri kvaronojn de la enspezoj de la IOK.[26]

La 1-an de Novembro 2019 la IOK decidis alilokigi la maratonojn kaj marŝkuradon al Sapporo pro la varmego - 800 km for de Tokio. Tio i.a. rezultis el la spertoj dum la Atletika monda ĉampionumo en Kataro en 2019, kiam multaj kuristoj rezignis dum la maratonoj.

Referencoj[redakti | redakti fonton]

  1. Tokyo Olympics to start in July 2021 after coronavirus rescheduling (angle). Alirita 30-a de Marto 2020.
  2. The Reason Why Olympics In 2021 Will Still Be Called The 2020 Olympic Games (angle). Alirita 30-a de Marto 2020.
  3. Olympic Programme (angle). Alirita 9-a de Novembro 2019.
  4. Tokio richtet Sommerspiele 2020 aus (germane). Arkivita el la originalo je 2016-03-15. Alirita 9-a de Novembro 2019.
  5. Six Applicant Cities for the 2020 Olympic Games (angle). Arkivita el la originalo je 2016-04-25. Alirita 9-a de Novembro 2019.
  6. Rome's 2020 Olympic bid scrapped by Monti (angle). Arkivita el la originalo je 2012-07-19.
  7. Madrid, Istanbul und Tokio ringen um den Zuschlag (germane). Arkivita el la originalo je 2016-05-15. Alirita 9-a de Novembro 2019.
  8. Tokyo 2020 event programme to see major boost for female participation, youth and urban appeal (angle). Arkivita el la originalo je 2019-09-30. Alirita 17-a de Novembro 2019.
  9. IOC Executive Board recommends 25 core sports for 2020 Games (angle). Arkivita el la originalo je 2019-07-11. Alirita 17-a de Novembro 2019.
  10. IOC Spokesperson: Decision Made, the Olympics Will Go Ahead (angle). Alirita 30-a de Marto 2020.
  11. Coronavirus: Olympic doubts grow as Canada withdraws athletes (angle). Alirita 30-a de Marto 2020.
  12. Harte Strafe: Wada sperrt Russland für vier Jahre (germane). Arkivita el la originalo je 2020-01-02. Alirita 10-a de Februaro 2020.
  13. Russia banned from Tokyo Olympics and football World Cup (angle). Arkivita el la originalo je 2019-12-30. Alirita 10-a de Februaro 2020.
  14. Tokyo 2020 confirms it will use Olympic flame cauldrons in stadium and on the waterfront (angle). Arkivita el la originalo je 2019-04-02. Alirita 25-a de Februaro 2020.
  15. 15,0 15,1 Der Weg des olympischen Feuers nach Tokio (germane). Arkivita el la originalo je 2020-02-25. Alirita 25-a de Februaro 2020.
  16. Tokyo 2020 Announces Outline of Olympic Games Ticket Prices (angle). Arkivita el la originalo je 2020-01-12. Alirita 16-a de Februaro 2020.
  17. Tickets for Olympic Games (angle). Arkivita el la originalo je 2017-07-20. Alirita 16-a de Februaro 2020.
  18. Tokyo 2020 online ticket sales to launch worldwide in May (angle). Arkivita el la originalo je 2020-02-13. Alirita 16-a de Februaro 2020.
  19. Tokyo 2020 Olympic medals unveiled with one year to go (angle). Arkivita el la originalo je 2020-01-20. Alirita 11-a de Februaro 2020.
  20. Tokyo 2020 unveils official emblem with five years to go (angle). Arkivita el la originalo je 2015-08-10.
  21. Tokyo Olympic Games logo embroiled in plagiarism row (angle). Arkivita el la originalo je 2019-08-19. Alirita 9-a de Novembro 2019.
  22. Ermittler untersuchen verdächtige Zahlungen (germane). Arkivita el la originalo je 2017-11-29. Alirita 29-a de Novembro 2019.
  23. Tokyo Olympics 2020: French prosecutors probe '$2m payment' (angle). Arkivita el la originalo je 2019-07-10. Alirita 29-a de Novembro 2019.
  24. 24,0 24,1 Tsunekazu Takeda to leave JOC and IOC posts amid scandal (angle). Arkivita el la originalo je 2019-05-11. Alirita 29-a de Novembro 20.
  25. IOC marketing chair from Japan investigated for corruption (angle). Alirita 29-a de Novembro 2019.
  26. 26,0 26,1 Tokyo Braces for the Hottest Olympics Ever (angle). Arkivita el la originalo je 2020-01-29. Alirita 20-a de Februaro 2020.
  27. Tokyo Olympics 2020: Concern over heat as soaring temperatures in Japan kill 57 people (angle). Arkivita el la originalo je 2019-10-23. Alirita 20-a de Februaro 2020.

Eksteraj ligiloj[redakti | redakti fonton]


Vintraj Olimpiaj Ludoj

1924, 1928, 1932, 1936, (1940)II, (1944)II, 1948, 1952, 1956, 1960, 1964, 1968, 1972, 1976, 1980, 1984, 1988, 1992, 1994, 1998, 2002, 2006, 2010, 2014

Someraj Olimpiaj Ludoj

1896, 1900, 1904, (1906)*, 1908, 1912, (1916)I, 1920, 1924, 1928, 1932, 1936, (1940)II, (1944)II, 1948, 1952, 1956, 1960, 1964, 1968, 1972, 1976, 1980, 1984, 1988, 1992, 1996, 2000, 2004, 2008, 2012, 2016, 2020