Frýdlant nad Ostravicí

	Frýdlant nad Ostravicí
	germane Friedland (an der Ostrawitza), latine: Vriedlant
	urbo
	Frýdlant nad Ostravicí - vido el Lysá hora
Flago	Blazono
	Oficiala nomo: Frýdlant nad Ostravicí
Ŝtato	Ĉeĥio
Regiono	Moraviasilezia regiono
Distrikto	Distrikto Frýdek-Místek
Administra municipo	Frýdlant nad Ostravicí
Historiaj regionoj	Ĉeĥa Silezio, Moravio
Montaro	Subbeskida montetaro
Rivero	Ostravice
Situo	Frýdlant nad Ostravicí
- alteco	357 m s. m.
- koordinatoj	49° 35′ 34″ N 18° 21′ 35″ O / 49.59278 °N, 18.35972 °O (mapo)
Areo	21,88 km² (2 188 ha)
Loĝantaro	9 890 (2023)
Denseco	452,01 loĝ./km²
Unua skribmencio	1300
Horzono	MET (UTC+1)
- somera tempo	MET (UTC+2)
Poŝtkodo	738 01 ĝis 739 11
NUTS 3	CZ080
NUTS 4	CZ0802
NUTS 5	CZ0802 598143
Katastraj teritorioj	3
Partoj de urbo	3
Bazaj setlejunuoj	11
	Situo enkadre de Ĉeĥio Situo enkadre de Ĉeĥio
	Situo enkadre de Moraviasilezia regiono Situo enkadre de Moraviasilezia regiono
	Vikimedia Komunejo: Frýdlant nad Ostravicí
	Retpaĝo: www.frydlantno.cz
	Portalo pri Ĉeĥio

Tiu ĉi artikolo temas pri urbo Frýdlant nad Ostravicí en distrikto Frýdek-Místek. Pri urbo Frýdlant en Bohemio en distrikto Liberec temas artikolo Frýdlant.

Koordinatoj: 49° 35′ 34″ N 18° 21′ 35″ O / 49.59278 °N, 18.35972 °O (mapo)

Frýdlant nad Ostravicí (germane Friedland an der Ostrawitza) estas urbo en Ĉeĥio situanta en valo de rivero Ostravice, sub la plej alta monto de montaro Moravskoslezské Beskydy, sub Lysá hora, 10 km de urbo Frýdek-Místek, etendiĝanta ambaŭflanke de historia moravia-silezia landa limo. Vivas ĉi tie 9 890 loĝantoj (2023).

La najbaraj municipoj de la setlejo estas Janovice, Ostravice, Pržno, Malenovice, Pstruží, Metylovice kaj Krásná.

Historio[redakti | redakti fonton]

La kolonigita vilaĝo estas unuafoje menciata en la jaro 1300, en la jaro 1777 ĝi estis avancigita je urbeto, urbo ĝi estas ekde la jaro 1948. En la jaroj 1646–1648 lasis ĉi tie konstrui senjorularo el Hukvaldy gisejetojn kaj altfornon por prilaborado de ferercoj, kiujn oni minis en la ĉirkaŭaĵo. El la gisejetoj poste evoluis ferfabriko (1869). En la ferindustria tradicio oni daŭrigas ĝis hodiaŭ. En la jaro 1871 Frýdlant akiris fervojan alkondukon.

En la urbo naskiĝis pentristo kaj grafikisto Ferdiš Duša (1888–1958). En lia naskodomo estas monumento de Ferdiš Duša. Tie estas daŭra ekspozicio de lia viv-verkaro kaj artverkaro.

La urbo estas signifa centro de vojaĝtrafiko kaj refreŝigado. Krom aŭtokampadejo, turismaj loĝigejoj, hoteloj, pensionoj kaj manĝejoj de diversaj kategorioj estas en katastroteritorio de Frýdlant pli ol 700 kabanoj kaj dometoj. Frýdlant estas elirloko por promenoj kaj eĉ por pli pretendemaj piedirantaj turistoj ĝis Beskydy (Lysá hora, Ondřejník) kaj ankaŭ por montara bicikloturismo. Ĉi tie estas sporta flughaveno por motora kaj senmotora flugado kaj pluraj sportejoj. Baniĝi eblas aŭ en banejo aŭ en rivero Ostravice, kie estas ludejo por stranda volejbalo. Vintre eblas eluzi proksimajn skitelferojn aŭ oni povas dediĉi sin al skikurado. En la urbo havas sidejon regiona administraro de Montara deĵoro.