Horní Město (germaneBergstadt) estas municipo situanta en distrikto Bruntál en Ĉeĥio, sudokcidente de Rýmařov. Ĝi havas 816 loĝantojn (2023) kaj ties katastra teritorio havas areon 3 162 ha.
Sur la teritorio de la municipo antaŭe troviĝis minejoj por arĝento. Jam en la jaro 1398 ĉi tie etendiĝis solejo Hankštejn. Město estis fondita kiel aloda reĝa minejurbo en la jaro 1580 dum Rudolfo la 2-a. Atestas pri tio skribaĵo ĉizita sur tombeja kruco en Horní Město.
La plej malnovaj pruvaĵoj pri ĉi tiea minado estas el la jaro 1402. Ĝuste en tempo de Ederoj la minado floris, tial la imperiestro donis al ĉi tieaj senjoroj certajn avantaĝojn kaj novan minejan ordenon. Novaj vejnoj estis malkovritaj norde de Skály (Hankštejn) - tio estas la nuna Stříbrné Hory, tiam Najfung. Ĉirkaŭ la jaro 1542, ekloĝis super Skály 6 ministaj familioj, ili konstruis ĉi tie siajn domojn kaj ĝuste dank' al tiuj ĉi ministoj estis donita la nova minista ordeno kaj tiuj ĉi ses domoj estis pli poste en la jaro 1580, dum Rudolfo la 2-a avancita je aloda imperiestra minejurbo kun nomo Bergstadt - Hangstein.Pase de la tempo restis nur la nomo Bergstadt - tio estas Horní Město. Per tio estis donita komenco de la estiĝo de Horní Město, kiu komencis kreski dank' al la avantaĝoj de la imperiestro. La devena vilaĝo Hankštejn komencis malflori, oni komencis dediĉi sin al agrikulturo. Horní Město transprenis ministan tradicion.
La minado estis akompanata per alterna feliĉo ĝisn duono de 20-a jarcento. Oraj vejnoj estis jam prenitaj kaj restis nur multekostaj metaloj. En la jaro 1955 denove aperis intereso pri renovigo de la minado kaj oni faris ĉi tie esploron ĝis la jaro 1969. Sed baldaŭ montriĝis, ke la minado estas multekosta, tial la lasta veturileto elveturis el la minejo la 30-an de septembro 1970.
Ĉeĥio
Vikimedia Komunejo: Horní Město
Portalo pri Ĉeĥio
