Vítkov estas urbo en Ĉeĥio, kiu havas 5 593 loĝantojn (2022) kaj kiu situas en norda Moravio, en orienta parto de montaro Jeseníky en spaco, kie riveroj Odro kaj Moravice reciproke plej multe proksimiĝas. La urbo estas proksima 30 km de urbo Opava.
Komencoj de la urbo verŝajne tuŝiĝas la 2-an duonon de la 13-a jarcento, unue oni mencias pri la urbo en la jaro 1301. En la ĉirkaŭaĵo de la urbo oni minis oron kaj arĝenton. Signifa memorigaĵo estas tombejpreĝejo el la jaro 1625 kun ŝtonkruco ĉe ĉefportalo de la tombejo el la jaro 1827 kaj kun baroka kapelo el la jaro 1794. Novgotika paroĥ-preĝejo el la jaroj 1910–1914 dominas al la urbo, en placo staras novgotika urbodomo el la jaro 1884. En la 18-a jarcento ĉi tie agadis la svisa pedagogo Johann Heinrich Pestalozzi. En la loka tombejo estas tombmonumento al ĉi tie loĝinta Jan Zajíc, kiu protestante kontraŭ la eniro de „aliancanaj“ armeoj en Ĉeĥoslovakion en la jaro 1969 brulmortigis sin.
Proksimume de la urbo situas burgoruinoj de burgoVikštejn. En proksima vilaĝo Klokočov estas konata ĉevala rasbredstacio.
Vítkov situas en turisme atrakcia pejzaĝo sur suda rando de Nacia parko Moravice kaj proksime de montaro Oderské vrchy. En la ĉirkaŭaĵo de la urbo troviĝas minejoj por ardezo.
Ĉeĥio
Vikimedia Komunejo: Vítkov (Opava District)
Portalo pri Ĉeĥio
