Aluminio

• Simbolo: Al
• Atomnumero: 13
• Atompezo: 26,9815
• Kemia serio: posttransira metalo
• Specifa pezo: 2,699 (20^oC)
• Fandopunkto: 660.32 ^oC
• Bolpunkto: 2519 ^oC
• Eltrovinto: Friedrich Wöhler kaj Hans Christian Ørsted(1807)

Aluminio estas la plej abunda metalo en la tero. En la fruaj civilizacioj, la homo konis alunon kaj aluminon aŭ aluminian oksidon (Al₂O₃), sed Ørsted povis izoli la metalon nur en 1807. Aluminia oksido venas de erco nomata baŭksito.

Aluminio estas blueta-blanka metalo, tre fleksiĝema (formebla) kaj duktila(etendebla). Ĝi estas tre leĝera metalo, kaj bone konduktas elektron kaj varmon. Pura aluminio estas tre mola; tial alojoj de aluminio kaj silicio kaj fero fortigas aluminion, kaj en tiu formo oni povas uzi ĝin en la konstruado de aviadiloj, ŝipoj, aliaj veturiloj, duktoj, kaj ĉiel-skrapantoj. Aluminio estas uzata ankaŭ en dratoj, gasduktoj, pordoj kaj fenestroj, konduktiloj, aluminia folio, farboj, kaj tuboj da dentopasto. Ĝi ne rustiĝas.

Vidu ankaŭ

• duraluminio
• Kemio
• Perioda tabelo
• Listo de kemiaj elementoj laŭ nomo
• Listo de kemiaj elementoj laŭ simbolo
• Listo de kemiaj elementoj laŭ atomnumero
• Izotopoj de aluminio