Jovice
Jovice, hungare Jólész [jOlEs] estas malgranda vilaĝeto en Slovakio, en Regiono Košice, en Distrikto Rožňava.
Bazaj informoj
- Areo: 10 km²
- Alto super la marnivelo: 280-294 m
- Loĝantaro: 700
- Poŝtkodo: 049 41
- Aŭtokodo: RV
- Telefonprefikso: 58
Situo
Jovice situas sub monto 660 m-ojn alta, sur ebenaĵo, laŭ rojo, laŭ traira flankovojo, laŭ fervojo Košice-Rožňava. La lasta troviĝas 4 km-ojn.
Historio
La vilaĝo estis unue menciita en la jaro 1352 en formo "Pacsapataka", baldaŭe en 1427 "Jolees". En 1828 oni nombris 66 domojn kaj 395 homojn. En 1910 loĝis en Jólész 455 da homoj, (437 hungaroj, 3 slovakoj, 2 germanoj). Ĝis Traktato de Trianon Jólész apartenis al Hungara reĝlando, al Gömör kaj Kis-Hont, al distrikto de Rozsnyó, poste al Ĉeĥoslovakio, fine ekde 1993 al Slovakio. Inter 1938-1945 la vilaĝo rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito la hungaroj iĝis senrajtaj laŭ Dekretoj de Beneš. Inter 1976-1990 la municipo estis en Rožňava. En 2001 loĝis en Jovice 660 da homoj, (510 hungaroj, 134 slovakoj, 8 ciganoj kaj aliaj).
Vidindaĵoj
- kastelo de 1856
- sonorilostablo de 1892
Famuloj
En la iama Jólész naskiĝis hungara advokato, fondinto de la instruado pri surduloj en Hungario András Cházár.