Martin Luther King

El Vikipedio, la libera enciklopedio
Saltu al: navigado, serĉo
Martin Luther King
Martin Luther King
aktivulo en civilaj rajtoj
Naskiĝo 15-a de januaro 1929
en Atlanta, Georgia, Usono
Morto 4-a de aprilo 1968
en Memphis, Tennessee, Usono
Portalo pri Homoj
v  d  r
Information icon.svg

Pastro D-ro Martin Luther KING la pli juna (naskiĝis la 15-an de januaro, 1929, mortis la 4-an de aprilo, 1968) estis Nobel-premiito, baptisma pastro kaj afrika usona aktivulo en kampo de civilaj rajtoj. Oni konsideras lin unu el la plej grandaj estroj kaj herooj en usona historio, kaj en la moderna historio de malperforto.

King fariĝis diplomito de Kolegio Morehouse (kun B.A.) en 1948 kaj de Teologia Seminario Crozer (kun B.D.) en 1951. Li gajnis doktoran diplomon (Ph.D.) de Bostona Universitato en 1955.

En 1954, King fariĝis la pastro de la Baptista Preĝejo ĉe Avenuo Dexter en Montgomery, Alabama. Li estis estro de la busa bojkoto de Montgomery, kiu komenciĝis, kiam Rosa Parks rifuzis cedi sian seĝon al blanka homo. Oni arestis King dum tiu kampanjo, kiu finiĝis per decido de la Suverena Kortumo de Usono, kiu kontraŭleĝigis segregacion en interŝtataj busoj.

King estas eble plej fama pro sia parolado - "Revon havas mi", farita antaŭ la Monumento de Lincoln dum la 1963-a Marŝado je Vaŝingtono por Laboroj kaj Libereco.

Martin Luther King - March on Washington.jpg

Vidu ankaŭ[redakti | redakti fonton]

Eksteraj ligiloj[redakti | redakti fonton]