Armenoj

El Vikipedio

Famaj armenoj: Tigrano la Dua (la Granda), Keran la Armena, William Sarojan, Viktor Ambarcumjan, Atom Egojan

Armenoj (la armena nomo - ĥaj) estas antikvadevena popolo, parolanta la armenan lingvon (apartenas al la hindeŭropa grupo lingva grupo). La popolo formiĝis proksimume en la 5a jarcento a.K. sur la teritorio de la Armena altebenaĵo el la triboj, kiuj estas konsiderataj kiel posteuloj de urartoj. Hodiaŭ en la mondo vivas ĉ. 10-11 milionoj da armenoj. En Armenio loĝas ĉ. 3 milionoj da armenoj. La plej grandaj diasporoj loĝas en Rusio (ĉ. 1,2 milionoj), Usono (ĉ. miliono), Francio (ĉ. 800 mil), Libano, Sirio, Irano, Brazilo, Argentino, Aŭstralio, Ukrainio, Hindio. La plejmulto de armenoj estas kristanoj-monofizitoj kaj konfesas la Apostolan Gregorian Kredon; iuj armenoj (ĉefe loĝantaj en Eŭropo) konfesas katolikismon; en Turkio loĝas ankaŭ islamigitaj armenoj (ĥemŝiloj).

Rase armenoj apartenas al la mediteranea subraso (kiu siavice apartenas al la eŭropa raso). La simbolo de armenoj kaj de armeneco estas la monto Ararato (armene - Masis). En la jaroj 1893-1918 la armena popolo iĝis viktimo de la genocido flanke de la Otomana Imperio kaj, poste, Turkio, pro kiu pereis laŭ diversajn pritaksoj ĝis 1,5 milionoj da homoj (vidu Armena genocido).

[redaktu] Vidu ankaŭ

• Historio de Armenio

[redaktu] Eksteraj ligoj

• http://www.agbu.org/agbunews/display.asp?A_ID=75
• http://www.usc.edu/schools/sppd/news/exhibits/armenian
• http://www.nationmaster.com/country/am/People
• Armenica.org - Historio de Armenio