Pribeta
Pribeta, hungare Perbete estas vilaĝo en Slovakio en regiono Nitra, en distrikto Komárno.
- Areo: 43 km²
- Loĝantaro: 3130
- Alto super marnivelo: 136 m
- Poŝtkodo: 946 55
- Telefonprefikso: 0 35
Situo
la vilaĝo situas sur ebenaĵo, fervojo Budapeŝto-Vác-Bratislavo preteriras, laŭ flankovojoj. La plej proksima urbo estas Komárno 24 km-ojn for.
Historio
La vilaĝo estis loĝata dum la neolitiko. La unua mencio devenis el 1312 en formo Perbethe. Ĝuste tiam armeo de Mateo Csák (ĉAk) detruis la vilaĝon, ĉar ĝi apartenis al la malamika ĉefepiskopejo de Esztergom. Malgranda fortikaĵo konstruiĝis en la 15-a jarcento, kiun baldaŭe la turkoj detruis kune kun la vilaĝo. La vilaĝo refondiĝis en la 17-a jarceno. En 1910 loĝis 3438 da homoj, (3421 hungaroj). La komunumo ĝis 1919 apartenis al Komárom (reĝa departemento), al distrikto de Udvard, poste al Ĉeĥoslovakio. Inter 1938-1945 la vilaĝo rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito la hungaroj estis iĝis senrajtaj laŭ Dekretoj de Beneš. Dum la socialismo kolĥozo formiĝis, kiu ankaŭ nun funkcis en demokrata formo. La loĝantaro okupiĝas pri vinkulturo aŭ laboras en la loka uzino pri mebloj. En 2001 loĝis tie 3137 da homoj, (2403 hungaroj, 713 slovakoj).
Vidindaĵoj
- katolika baroka preĝejo omaĝe al Sankta Triunuo de 1733, poste ĝi klasicismiĝis
- baroka skulptaĵo de 1788
- kalvinana preĝejo de 1784, turo alkonstruiĝis en la 19-a jarcento
- kruco de 1792
- baroka-klasicisma kapelo omaĝe al Dipatrino de 1762
Ĝemelkomunumoj
- Ŝablono:Flagicon Süttő, Hungario
- Ŝablono:Flagicon Szárazd, Hungario