Neporadza (distrikto Rimavská Sobota)
|
Por aliaj signifoj, bv. rigardi la apartigilan paĝon: Neporadza |
Bazaj informoj[redakti | redakti fonton]
Neporadza, hungare Naprágy (naprAdj) estas malgranda vilaĝo en Slovakio, en Regiono Banská Bystrica, en Distrikto Rimavská Sobota.
- Areo: 7 km²
- Supermara alteco: 216 m
- Loĝantaro: 290
- Poŝtkodo: 980 45
- Aŭtokodo: RS
- Telefonprefikso: 47
Situo[redakti | redakti fonton]
Neporadza situas en valo sur mildaj deklivoj, sub monto 314 m-ojn longa, laŭ la hungara landlimo, fine de sakovojo. Tornaľa troviĝas 12 km-ojn.
Historio[redakti | redakti fonton]
La vilaĝo estis unue menciita en la jaro 1254 en formo "Neporad". En la 16-a jarcento la vilaĝo apartenis al la Osmana Imperio. n la 19-a jarcento ventomuelejo funkciis apud la vilaĝo. En 1910 loĝis en Naprágy 549 da homoj, (plejparte hungaroj). Ĝis Traktato de Trianon Naprágy apartenis al Hungara reĝlando, al Gömör kaj Kis-Hont, al distrikto de Putnok, poste al Ĉeĥoslovakio, fine ekde 1993 al Slovakio. Inter 1938-1945 la vilaĝo rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito la hungaroj iĝis senrajtaj laŭ Dekretoj de Beneš, dume alvenis slovakoj. En 2001 loĝis en Neporadza 293 da homoj, (154 hungaroj, 64 slovakoj, 72 ciganoj). Ekde 2008 Slovakio kaj Hungario apartenas al interna zono de Schengen, sekve la limo estas trapasebla ie ajn senĝene.