Cacica

Cacica
pole: Kaczyka, hungare: Kacsika, germane: Katschika
municipo
Salminejo en Cacica
Oficiala nomo: Cacica
Ŝtato	Rumanio
Ĵupo	Suceava
Historia regiono	Bukovino
Situo	Cacica
- alteco	428 m s. m.
- koordinatoj	47°38′13″N 25°54′01″E
Loĝantaro	1 408 (2002)
Horzono	OET (UTC+2)
- somera tempo	OEST (UTC+3)
Poŝtkodo	727095
Telefona antaŭkodo	+40 x30
Situo enkadre de Rumanio
Pola mapo pri la regiono

Preĝejo salmineja en Cacica

Cacica, pole Kaczyka [kaĉika], germane Katschika, hungare Kacsika estas vilaĝo kaj centro de municipo en Rumanio, en Distrikto Suceava, en la historia landparto Bukovino. La ceteraj vilaĝoj de la municipo estas Maidan, Pârteştii de Jos, Runcu kaj Soloneţu Nou.

Municipo

En 2002 loĝis en la tuta municipo 4425 homoj, (3122 rumanoj, 959 poloj, 284 ukrainoj, 56 germanoj, 3 aliaj).

Geografio

Cacica troviĝas en vasta valo laŭ rojo inter arbaroj.

Historio

La unua mencio pri la vilaĝo okazis en 1444. Komence la loĝantoj okupiĝis pri arbaraj laboroj. En 1780-aj jaroj minado de la salo komenciĝis. Poste laboristoj alvenis el la Habsburga Imperio. Inter la mondomilitoj 600 poloj, 300 germanoj, iomete ukrainoj, rumanoj kaj poloj loĝis en la vilaĝo. Post la 2-a mondmilito la germanoj deportiĝis kaj ankaŭ poloj iris al Pollando.

Fonto

• Magyar nagylexikon, 1-18., 1993-2004, Budapest.
• Loknomvortaro de Transilvanio kaj de Moldavio (Rumanio)

Vidindaĵoj

• romkatolika preĝejo kaj pilgrimloko de 1904, kiun Johano Paŭlo la 2-a oficiale nomumis malgranda baziliko (basilica minor) en 2000, la mesoj okazas rumane, pole, germane kaj hungare
• grekokatolika preĝejo de 1865 vizitata de ukrainoj
• salminejo, la subteraĵo estas 30 m-ojn profunda, 8 km-ojn longa labirinto, interne eĉ preĝejo (la altaro kaj la cetraĵoj estis skulptitaj el salo), alia ĉambrego estas 25 m-ojn longa, 15 m-ojn larĝa, kie foje koncertoj okazas