1-a de novembro

novembro
lu	ma	me	ĵa	ve	sa	di
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30
aranĝo de 2024 tagoj

La 1-a de novembro estas la 305-a tago de la jaro (la 306-a en superjaroj) laŭ la Gregoria kalendaro. 60 tagoj restas.

Je la 1-a de novembro okazis, interalie:

Eventoj

• 996: Germana-romia imperiestro Otto la 3-a donis al episkopo el Freising teritorion en la nuna distrikto Amstetten, nomata en loka dialekto Ostarrichi (germane Österreich), de kio prenis la nomon Aŭstrio
• 1122: Afonso Henriques iĝis grafo de Portugalio
• 1141: Stefano revenis al la angla trono post forpelo de Matilda, estinta romia-germana imperiestrino
• 1179: Reims: Filipo la 2-a kroniĝis kiel reĝo de Francio
• 1214: Turko-Selĝukoj konkeris post sieĝo apartenantan al Trebizonda imperio havenon Sinop
• 1215: Kvara Laterana Koncilio komenciĝis
• 1335: Reĝoj de Ĉeĥio Johano de Luksemburgo, Pollando Kazimiro la 3-a kaj Hungario Karolo la 1-a renkontiĝis dum kunveno en Visegrád
• 1478: Papo Siksto la 4-a laŭ peto de hispanaj monarkoj Fernando la 1-a kaj Izabela la 1-a rajtigis ilin al nomumo de inkviziciistoj en Andaluzio, por solvi suspektojn pri falsa konverto de hispanaj judoj
• 1503: Julio la 2-a iĝis papo
• 1512: Vatikanurbo: freskoj de Mikelanĝelo ornamantaj volbon de la Siksta Kapelo estis la unuan fojon montritaj publike
• 1520: Dum sia ekspedicio ĉirkaŭ la mondo Fernão de Magalhães eniris Magelanan markolon (komence markolo de Ĉiuj Sanktuloj)
• 1570: Ĉirkaŭ 20 mil personoj pereis rezulte de tempesto sur la Norda Maro , t.n. inundo de Ĉiuj Sanktuloj en Nederlando kaj Germanio
• 1604: Londono: premiero de la tragedio Otelo
• 1611: Premiero de la romanco La Ventego
• 1700: Senida morto de Karlo la 2-a, la lasta habsburgo sur la hispana trono militon de hispana sukcedo
• 1705: Pola reĝo Aŭgusto la Forta fondis la Ordenon de Blanka Aglo
• 1755: Lisbona tertremo kune kun posta cunamo
• 1770: Teknologia Universitato Berlino fondiĝis
• 1790: Irlanda filozofo kaj politikisto Edmund Burke publikigis Pensojn pri la Revolucio en Francio
• 1800: John Adams kiel la unua prezidento de Usono ekloĝis en Blanka Domo
• 1884: Nikolao la 2-a ektroniĝis kiel la lasta caro de la Rusia Imperio
• 1897: En Torino fondiĝis piedpilka klubo Juventus Football Club
• 1911: Itala-turka milito: itala armeo unuafoje en la historio uzis bombaviadilon
• Unua mondmilito
  • 1918: Lvovo: Pola-ukraina milito komenciĝis flanke de proklamita Okcident-Ukraina Popola Respubliko - pro manko de regula armeo flanke de poloj defendis sin junularo kaj infanoj (la plej juna aĝis 9 jarojn) - Dua Pola Respubliko fondiĝos nur post 11 tagoj; en Płaszów apud Krakovo poloj akiris aŭstrian fervojan kirasitan veturilaron el kiu oni kreis du kirastrajnojn: Śmiały kaj Piłsudczyk; Reĝlando Jemeno fondiĝis
• 1922: Mustafa Kemal Atatürk, kreinto de moderna turka ŝtato, malfondis Otomanan Imperion
• 1928: Turkio transiris de la araba alfabeto al la latina alfabeto
• 1936: Hispana Enlanda Milito: Batalo de Madrido komenciĝis
• Dua mondmilito en Pollando kaj la mondo:
  • 1939: En Varsovio oni amase celebris feston de mortintoj - varsovianoj bruligis kandelojn ne nur sur tombejoj, sed ankaŭ sur tomboj, kiuj troviĝis sur stratoj, placoj kaj en ĝardenoj; en Poznań, malgraŭ malpermeso de grupiĝo, oni same faris; regopovoj de Ĝenerala Gubernio sub minaco de morto devigis polojn redoni radioaparatojn; germana polico pafmortigis en Rypin 200 polojn de malliberejo en Brodnica; en Varsovio komencis agadon konspira organizaĵo Polska Niepodlegla (Pollando Sendependa), kiu eldonis subteran gazetaron, instruis batali kaj agis pere de sabotado kaj flankatako; Varsovio: Hans Frank subskribis disponon pri transpreno de estintaj ŝtataj monopoloj: tabaka, alkoholaĵa, sala, alumeta kaj loteria; en Poznań aperis "Ostdeutscher Beobachter" - gazetara organo de distrikta organizaĵo de Nacisocialisma Germana Laborista Partio; en Krakovo aperis revuo "Nakazy Dnia" (Tag-Ordonoj) de konspira Organizaĵo de Blanka Aglo; en Poznań germanoj murdis agrikulturiston Tytus Jemielewski kaj pafmortigis profesoron Edward Klich, apud Chełm pafmortigis komerciston Paweł Muchowski kun lia filo, el Bydgoszcz forveturigis de malliberejo kaj poste murdis en nekonataj cirkonstancoj historiiston Michał Nycz
  • Al Salzburg germanoj alvenigis por trudlaboro 191 polojn de la regiono de Krakovo; Parizo: sub redakto de profesoro Oskar Halecki aperis dumonata revuo "La Voix de Varsovie", de januaro 1940 titolita "Revue de l'Europe Centrale et Orientale" (Revuo de Mez-Orienta Eŭropo); nombreco de Polaj Armitaj Fortoj en Okcidento estis 4586 personoj; de internigejoj en Rumanio fuĝis ĝis tiu ĉi tago 410 polajn oficirojn kaj 1210 suboficirojn kun soldatoj
  • Soveta invado en Pollandon: Moskvo: prezidiumo de Supera Soveto de Sovetunio dekretis pri enkorpigo de Okcidenta Ukrainio en konsiston de Sovetunio " kun ĝia unuiĝo kun Ukraina Soveta Socialisma Respubliko"; ĉiuj polaj militkaptitoj-oficiroj estis lokigitaj en sovetaj urboj Kozelsk kaj Starobilsk, funkciuloj de polico, limgardistoj kaj prizongardistoj en Ostaŝkov (1-4.11);
  • 1940: Estro de Varto-Lando malpermesis al poloj pasigi ekzamenojn pri metioj; en ĜG ekzistis 195 germanaj bazlernejoj kun 11 002 lernantoj kaj 324 instruistoj kaj 6 mezlernejoj
  • Poloj en Britio voĉdonis pri kreo de pola kuracista fakultato ĉe la Universitato de Edinburgo; Londono: pola registaro en ekzilo komencis eldoni revuon "Polish News Bulletin", kaj aperis laŭvica monografia n-ro de "Polish Fortnightly Review" deiĉita tute al la germana okupado, kun la subtitolo The German Order in Poland; dum bombado pereis gvidanto de Militista Arkivo majoro Bolesław Waligóra
  • 1941: Germanoj komencis konstrui ekstermejon Bełżec (suda Lublinio) - de marto ĝis novembro 1942 murdis tie pli ol 600 000 judojn el Ĉeĥio, Slovakio, Aŭstrio kaj Germanio, en tio 550 000 polajn civitulojn de juda deveno; estro de Varto-Lando enkondukis devon atribui al pola infano la duan nomon Kazimiro aŭ Kazimira; en Krakovo inaŭguris agadon konspira Rapsodia Teatro per verko de Juliusz Słowacki "Reĝo-Spirito" - unu el aktoroj estis estonta papo Karol Wojtyła; ĜG nuligas doganan kaj polican limon kun Distrikto Galicio kaj oni nuligas Tagon de Ĉiuj Sanktuloj
  • En Londono okazas ekspozicio de konspira gazetaro el okupataj de Germanio Belgio, Ĉeĥoslovakio, Francio, Grekio, Nederlando, Jugoslavio, Norvegio kaj Pollando - Pollando kun 150 gazetoj estas en la unua loko; en Nov-Jorko komencas aperi Semajna Literatura Revuo de Verkista Rondo el Pollando, redaktata interalie de Jan Lechoń kaj Kazimierz Wierzyński - eldonata ĝis fino de 1942 kaj anstataŭigita de "Tygodnik Polski" (Pola Semajnrevuo)
  • 1942: Germanoj "likvidis" judan geton en Tomaszów Mazowiecki - dufoje, la 30-an de oktobro kaj la 1-an de novembro, oni forveturigis al ekstermejo en Treblinka 14 mil judojn (surloke restis nur ĉ. mil laborkapabluloj); germanaj policanoj kaj ĝendarmoj pafmortigis 121 judojn en 3 lokoj; germanaj regopovoj malpermesis en Lublin fajrigi kandelojn sur lokaj tombejoj; en Varsovio komencis validi polica horo inter la 20-a vespere ĝis la 5-a matene; Pola Enlanda Armeo sukcese atakis arestejon de sekureca polico en Bjalistoko
  • 1943: Taĉmentoj de germana polico pafmortigis 39 judojn en 3 lokoj kaj 80 polojn en 5 lokoj; taĉmento de pola partizano Jan Piwnik konkeris provizore Końskie mortigante po kelke da germanaj ĝendarmoj kaj konfidenculoj
  • Usona armeo alteriĝis al insulo Bougainville en Papuo-Nov-Gvineo
  • 1944: SS mortigis en Gruszowiec (proksime al Limanowa) 34 personojn kaj bruligis 11 domojn kaj germanaj ĝendarmoj pafekzekutis 12 personojn en 2 aliaj lokoj; de Aŭŝvico foriris transporto kun 634 judinoj al koncentrejo en Bergen-Belsen
  • Heinrich Himmler ordonis ne plu mortigi malliberulojn per gaso en koncentrejo Aŭŝvico: laŭ invito de Nov-Zelando de Irano al Wellington alvenis 732 polaj plejparte orfaj infanoj kun iliaj 102 prizorgantoj - ili estis viktimoj de sovetaj deportadoj (1940-1941), en 1942 evakuiĝis de Sovetunio kune kun generalo Władysław Anders
• 1944: En Britio Donald Watson fondis Veganan Societon - okupiĝintan pri popularigo de senlakta vegetarismo
• 1946: En Pollando Karol Wojtyła ordiniĝis
• 1950: Papo Pio la 12-a anoncis la dogmon pri Ĉieliro de Maria
• 1954: En Alĝerio, tiam parto de Francio, komenciĝas la batalado pri sendependeco.
• 1956: Israelo, Britio kaj Francio invadis Egiption: komenco de la Sueza krizo.
• 1956: Kontraŭsoveta hungara insurekcio: Imre Nagy anoncis forlason de la Varsovia Kontrakto kaj neŭtralecon de Hungario; papo Pio la 12-a eldonis la duan el 3 enciklikoj pri defendo de la hungara libereco, dum Okcidenta Eŭropo kaj Usono tute silentis
• 1957: Eksperimenta Studio de Pola Radio fondiĝis
• 1963: Malkovro de la unua kvazaro
• 1981: Antigvo-Barbudo fariĝas sendependa de Britio.
• 1988: Likud gajnis parlamentad balotadon en Israelo
• 1993: Traktato de Mastriĥto ekvalidis; Eŭropa Unio kreiĝis
• 1993: Turkmena manato ekvalidis
• 1996: Kataro: Araba informa televido Al-Ĝazira startis
• 1998: Strasburgo: Eŭropa Kortumo pri Homaj Rajtoj fondiĝis
• 2000: En Barato kreiĝis subŝtato Ĉhatisgaro
• 2004: Pollando iĝis plenrajta membro de Eŭropolo
• 2004: Estinta ĉefministro de Portugalio José Manuel Durão Barroso iĝis prezidanto de Eŭropa Komisiono
• 2005: Ĝenerala Asembleo de Unuiĝintaj Nacioj proklamis Tagon de la memoro pri la viktimoj de la holokaŭsto fiksante daton de la datreveno de la liberigo de germana koncentrejo Aŭŝvico, okazanta la 27-an de januaro
• 2006: Internacia Sindikata Konfederacio fondiĝis en Vieno
• 2006: La unuaj simptomoj de malsano ĉe Aleksandr Litvinenko, venenigita per donita teo kun izotopo de polonio 210
• 2010: Prezidento Dmitrij Medvedev kiel la unua rusa gvidanto vizitis Kurilajn Insulojn
• 2014: Eŭropa Komisiono komencis funkcii sub gvido de estinta ĉefministro de Luksemburgio Jean-Claude Juncker

Naskiĝoj

• 846: Ludoviko la 2-a, reĝo de Frankio el dinastio Karolidoj (m. 879)
• 1351: Leopoldo la 3-a, duko de Aŭstrio, pereinta en la batalo de Sempach (m. 1386)
• 1485: Jan Dantyszek, pola vojaĝisto, diplomato, episkopo, latina-pola poeto de renesanco, reĝa sekretario kaj la unua pola ambasadoro (m. 1548)
• 1526: Katarina Jogajlido, pola reĝidino, sveda reĝino el dinastio Jogajlidoj, edzino de Johano la 3-a (Svedio) (m. 1583)
• 1530: Étienne de La Boétie, franca verkisto, eseisto, politika filozofo kaj juristo (m. 1563)
• 1585: Jan Brożek, pola matematikisto, astronomo, muzikisto, kuracisto, verkisto kaj parolisto, rektoro de Krakova Akademio (m. 1652)
• 1636: Nicolas Boileau, franca poeto, historiisto pri Ludoviko la 14-a, membro de Franca Akademio (m. 1711)
• 1661: Ludoviko de Francio, heredonto de franca trono (m. 1711)
• 1727: Ivan Ŝuvalov, rusa nobelo, fondinto de la Rusia Akademio de Belartoj (m. 1794)
• 1757: Antonio Canova, itala skulptisto, pentristo, arkitekto (m. 1822)
• 1775: Johann Heinrich Besser, germana eldonisto kaj librovendisto (m. 1826)
• 1778: Gustavo la 4-a Adolfo, reĝo de Svedio el Oldenburga dinastio (m. 1837)
• 1808: John Taylor, usona kleriko de mormonoj, prezidanto de la Eklezio de Jesuo Kristo de la Sanktuloj de la Lastaj Tagoj (m. 1887)
• 1818: Imre Szacsvay hungara advokato kaj politikisto (m. 1849)
• 1832: Gyula Szapáry, ĉefministro de Hungario (m. 1905)
• 1841: Charles Laisant, franca matematikisto kaj politikisto, vicprezidanto de Espéranto-France, aŭtoro de esperantigita Inicado Matematika (m. 1920)
• 1845: Sámuel Teleki, hungara verkisto kaj vojaĝisto en Afriko (m. 1916)
• 1853: Benjamin Kiesewetter, germana entreprenisto kaj politikisto (m. 1934)
• 1862: Feliks Koneczny, pola verkisto, ĵurnalisto, bibliotekisto, historiisto kaj historiozofo, kreinto de originala koncepto pri civilizoj (m. 1949)
• 1865: Károly Gspann, hungara, rumania hungara kuracisto (m. 1938)
• 1871: Stephen Crane, usona naturalisma verkisto kaj ĵurnalisto (m. 1900)
• 1877: Else Ury, germana verkistino konata de la adoleskantina romano (m. 1943)
• 1878: Carlos Saavedra Lamas, argentina Nobelpremiita politikisto, diplomato kaj juristo (m. 1959)
• 1879: Pál Teleki, ĉefministro de Hungario (m. 1941)
• 1880: Alfred Wegener, germana sciencisto pri kontinenta drivado (m. 1930)
• 1887: L.S. Lowry, brita pentristo, pejzaĝisto (m. 1976)
• 1893: A. Paul Weber, germana litografiisto kaj pentristo (m. 1980)
• 1900: Endre Mann, rumania hungara ĵurnalisto (m. 1964)
• 1903: Jean Tardieu, franca artisto, verkisto de Absurda Teatro (m. 1995)
• 1909: Herbert von Marouschek, aŭstra regionhistoriisto kaj publikigisto
• 1913: Andrzej Mostowski, pola matematikisto kaj logikisto (m. 1975)
• 1914: Moshe Teitelbaum, hungara ĥasido, reprezentanto de Ortodoksa Judismo (m. 2006)
• 1921: Ilse Aichinger, aŭstra verkistino juddevena, membrino de Gruppe 47
• 1923: Victoria de los Ángeles, hispana kantistino (soprano) (m. 2005)
• 1927: János Varró, rumania hungara literaturhistoriisto, verkisto (m. 2004)
• 1933: Vjaĉaslaŭ Adamĉik, belorusa verkisto, dramisto kaj ĵurnalisto
• 1933: Borbála Porzsolt, rumania hungara pentristino, grafikistino
• 1935: Edward Said, usona kulturkritikisto palestindevena, profesoro pri kompara literaturscienco, aŭtoro de la libro Orientalismo (m. 2003)
• 1939: Imre Márkó, rumania hungara novelisto, kritikisto
• 1939: Bernard Kouchner, franca kuracisto kaj politikisto, kunfondinto de organizaĵoj Kuracistoj sen landlimoj kaj Kuracistoj tutmondaj
• 1943: Salvatore Adamo, belga-itala kantisto
• 1944: Rafik Hariri, ĉefminitro de Libano (m. 2005)
• 1950: Robert B. Laughlin, usona Nobelpremiita fizikisto okupiĝinta pri ondfunkcioj
• 1962: Magne Furuholmen, norvega muzikisto kaj pentristo
• 1963: Katja Riemann, germana aktorino kaj kantistino
• 1973: Aishwarya Rai, barata aktorino kaj modelulino

Mortoj

• 987: Harald la 1-a, reĝo de Danio kaj Norvegio, reganto de Anglio, akceptinta kristanismon, patro de Sven la 1-a (n. ĉ. 911)
• 1112: Henriko de Burgonjo, grafo de Portugalio (n. 1066)
• 1399: Johano la 4-a, duko de Bretonio (n. ĉ. 1339)
• 1497: Filippo Buonaccorsi, itala humanisto verkanta en la latina lingvo, konsilisto de pola reĝo (n. 1437)
• 1546: Giulio Romano, itala pentristo kaj arkitekto, reprezentanto de manierismo (n. ĉ. 1499)
• 1561: Christoph Amberger, germana priportreta pentristo (n. 1490)
• 1588 : Jean Dorat, franca klasika filologo, poeto, erudiciulo, helenisto kaj humanisto (n. 1508)
• 1676: Gisbertus Voetius, nederlanda kalvinista teologo kaj orientalisto en Universitato de Utrecht (n. 1589)
• 1700: Karlo la 2-a, lasta habsburga reĝo de Hispanio (n. 1661)
• 1708: Georgo Bánffy, hungara nobelo, transilvania magnato, unua guberniestro de Transilvanio (n. 1661)
• 1804: Johann Friedrich Gmelin, germana botanikisto, entomologo kaj naturalisto (n. 1748)
• 1854: Johann Matthias Ranftl, aŭstra pentristo
• 1860: Aleksandra Teodorovna, reĝidino de la Reĝlando Prusio, carino de Rusio (n. 1798)
• 1870: Ephraim Salomon Unger, germana matematikisto juddevena verkinta disertaĵon pri trigonometriaj funkcioj (n. 1789)
• 1880: José Maria da Silva Paranhos, brazila ŝtatestro, instruisto, politikisto, ĵurnalisto, diplomato kaj monarkisto (n. 1819)
• 1883: Júlia Bányai, hungara heroino de Hungara revolucio el Transilvanio (n. 1824)
• 1892: László Lovassy, hungara juristo, partoprenanto de la Hungara revolucio de 1848 (n. 1835)
• 1893: Jan Matejko, pola pentristo de historiaj eventoj kaj bataloj kiel Batalo de Grunwald kaj Lublina unio, historiozofo (n. 1838)
• 1894: Aleksandro la 3-a, caro de Rusio el dinastio Romanovoj (n. 1845)
• 1896: Alajos Degré, hungara verkisto, advokato, politikisto, patro de Miklós Degré (m. 1819)
• 1903: Theodor Mommsen, germana historiisto kaj juristo (n. 1817)
• 1907: Alfred Jarry, franca simbolista verkisto (n. 1873)
• 1921: Adam Zakrzewski, pola sciencisto, membro de Lingva Komitato, aŭtoro de Historio de Esperanto (n. 1856)
• 1938: Emil Böszörményi, rumania hungara ĵurnalisto (n. 1890)
• 1947: Tilly Aston, aŭstralia blinda verkisto, instruisto kaj socia agantino, esperantistino (n. 1873)
• 1955: Dale Carnegie, usona verkisto pri psikologio kaj kuntrejnado, kies libron Kiel gajni amikojn kaj favorigi al si homojn legis 50 milionoj da homoj en 37 lingvoj (n. 1888)
• 1956: Pietro Badoglio, itala oficiro, ĉefministro de Italio (n. 1871)
• 1961: Hugó Mund, hungara pentristo kaj bibliotekisto (n. 1892)
• 1961: Géza Delly-Szabó, rumania hungara komponisto (n. 1883)
• 1971: Gertrud von Le Fort, germana verkistino, membrino de la movado Revivigo katolika (n. 1876)
• 1972: Ezra Pound, usona poeto, kritikisto, tradukisto, reprezentanto de modernismo, adepto de la itala faŝismo (n. 1885)
• 1989: Hoimar von Ditfurth, germana kuracisto, verkisto, populariganto de scienco (n. 1921)
• 2005: Gladys Tantaquidgeon, usona antropologino indiandevena, socia agantino, sanigistino merita pri kovservo kaj popularigo de kulturo kaj tradicioj de sia tribo moheganoj, centjarulino (n. 1899)
• 2006: William Styron, usona verkisto, laŭreato de premio Pulitzer (n. 1925)
• 2007: Paul Tibbets, usona militaviadisto de atombomba atako de Hiroŝimo (n. 1915)
• 2008: Yma Sumac, perua kantistino (soprano) (n. 1922)
• 2008: Jacques Piccard, svisa oceanografia sciencisto esplorinta helpe de batiskafo la Marianan Fosegon (n. 1922)
• 2009: Claude Lévi-Strauss, franca antropologo, etnologo kaj filozofo, kunfondinto de strukturismo (n. 1908)
• 2012: Agustín García Calvo, hispana gramatikisto, poeto, dramaturgo, eseisto, traduktisto kaj filozofo (n. 1926)
• 2015: Günter Schabowski, germana politikisto, nekonscia kunfaliginto de Berlina muro, komunista krimulo (n. 1929)

Specialaj tagoj kaj festoj

• Nacia tago en Alĝerio, komenco de la batalado pri sendependeco (1954)
• Nacia tago en Antigvo-Barbudo, tago de la sendependiĝo (1981)
• Romkatolika Kalendaro: katolika festo de Ĉiuj Sanktuloj
• Fondiĝtago de Karnatako (1956)
• Fondiĝtago de Keralao (1956)
• Veganismo: Monda Tago de Veganoj ekde 1994

Tagoj de semajno

La 1-a de novembro estas (laŭ gregoria kalendaro):

• Dimanĉo en jaroj: 1587 1592 1598 1609 1615 1620 1626 1637 1643 1648 1654 1665 1671 1676 1682 1693 1699 1705 1711 1716 1722 1733 1739 1744 1750 1761 1767 1772 1778 1789 1795 1801 1807 1812 1818 1829 1835 1840 1846 1857 1863 1868 1874 1885 1891 1896 1903 1908 1914 1925 1931 1936 1942 1953 1959 1964 1970 1981 1987 1992 1998 2009 2015 2020 2026 2037 2043 2048 2054 2065 2071 2076 2082 2093 2099;
• Lundo en jaroj: 1582 1593 1599 1604 1610 1621 1627 1632 1638 1649 1655 1660 1666 1677 1683 1688 1694 1700 1706 1717 1723 1728 1734 1745 1751 1756 1762 1773 1779 1784 1790 1802 1813 1819 1824 1830 1841 1847 1852 1858 1869 1875 1880 1886 1897 1909 1915 1920 1926 1937 1943 1948 1954 1965 1971 1976 1982 1993 1999 2004 2010 2021 2027 2032 2038 2049 2055 2060 2066 2077 2083 2088 2094;
• Mardo en jaroj: 1583 1588 1594 1605 1611 1616 1622 1633 1639 1644 1650 1661 1667 1672 1678 1689 1695 1701 1707 1712 1718 1729 1735 1740 1746 1757 1763 1768 1774 1785 1791 1796 1803 1808 1814 1825 1831 1836 1842 1853 1859 1864 1870 1881 1887 1892 1898 1904 1910 1921 1927 1932 1938 1949 1955 1960 1966 1977 1983 1988 1994 2005 2011 2016 2022 2033 2039 2044 2050 2061 2067 2072 2078 2089 2095;
• Merkredo en jaroj: 1589 1595 1600 1606 1617 1623 1628 1634 1645 1651 1656 1662 1673 1679 1684 1690 1702 1713 1719 1724 1730 1741 1747 1752 1758 1769 1775 1780 1786 1797 1809 1815 1820 1826 1837 1843 1848 1854 1865 1871 1876 1882 1893 1899 1905 1911 1916 1922 1933 1939 1944 1950 1961 1967 1972 1978 1989 1995 2000 2006 2017 2023 2028 2034 2045 2051 2056 2062 2073 2079 2084 2090;
• Ĵaŭdo en jaroj: 1584 1590 1601 1607 1612 1618 1629 1635 1640 1646 1657 1663 1668 1674 1685 1691 1696 1703 1708 1714 1725 1731 1736 1742 1753 1759 1764 1770 1781 1787 1792 1798 1804 1810 1821 1827 1832 1838 1849 1855 1860 1866 1877 1883 1888 1894 1900 1906 1917 1923 1928 1934 1945 1951 1956 1962 1973 1979 1984 1990 2001 2007 2012 2018 2029 2035 2040 2046 2057 2063 2068 2074 2085 2091 2096;
• Vendredo en jaroj: 1585 1591 1596 1602 1613 1619 1624 1630 1641 1647 1652 1658 1669 1675 1680 1686 1697 1709 1715 1720 1726 1737 1743 1748 1754 1765 1771 1776 1782 1793 1799 1805 1811 1816 1822 1833 1839 1844 1850 1861 1867 1872 1878 1889 1895 1901 1907 1912 1918 1929 1935 1940 1946 1957 1963 1968 1974 1985 1991 1996 2002 2013 2019 2024 2030 2041 2047 2052 2058 2069 2075 2080 2086 2097;
• Sabato en jaroj: 1586 1597 1603 1608 1614 1625 1631 1636 1642 1653 1659 1664 1670 1681 1687 1692 1698 1704 1710 1721 1727 1732 1738 1749 1755 1760 1766 1777 1783 1788 1794 1800 1806 1817 1823 1828 1834 1845 1851 1856 1862 1873 1879 1884 1890 1902 1913 1919 1924 1930 1941 1947 1952 1958 1969 1975 1980 1986 1997 2003 2008 2014 2025 2031 2036 2042 2053 2059 2064 2070 2081 2087 2092 2098.