19-a de novembro

novembro
lu	ma	me	ĵa	ve	sa	di
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30
aranĝo de 2024 tagoj

La 19-a de novembro estas la 323-a tago de la jaro (la 324-a en superjaroj) laŭ la Gregoria kalendaro. 42 tagoj restas.

Je la 19-a de novembro okazis, interalie:

Eventoj

• 461: Hilario iĝis papo - memorigata en superjaroj
• 1190: Ordeno de germanaj kavaliroj fondiĝis
• 1493: Kristoforo Kolumbo alnavigis al Porto-Riko
• 1523: Klemento la 7-a iĝis papo post 50-taga konklavo
• 1544: Papo Paŭlo la 3-a eldonis buleon por okazigi la Koncilion de Trento
• 1608: Matiaso la 1-a kroniĝis kiel reĝo de Hungario
• 1688: Glora Revolucio: venko de Vilhelmo la 3-a super Jakobo la 2-a en batalo de Wincanton
• 1702: Pollando: Dynów estis prirabita kaj bruligita de sveda armeo
• 1765: Reĝo Stanislao Aŭgusto Poniatowski malfermis en Varsovio unuan publikan scenejon, de 1807 nomatan Nacia Teatro
• 1807: Angla kemiisto Humphry Davy skribis al Reĝa Societo de Londono pri la ecoj de elemento, kiun li ĵus malkovris, kalio
• 1809: Milito de Hispana Sendependiĝo: en la Batalo de Ocaña franca armeo sub komando de marŝalo Soult kaj reĝo Joseph Bonaparte akiris sian plej grandan venkon
• 1816: Fondo de la Ĉefa Lernejo, kies fondan diplomon subskribis imperiestro de Rusio kaj reĝo de Pollando Aleksandro la 1-a — la altlernejo sekvan jaron iĝis Reĝa Universitato de Varsovio
• 1816: Super Pollando estis vidita plena suna eklipso (laŭ la linio Słupsk-Przemyśl)
• 1819: Malfermo de la Prado-Muzeo en Madrido
• 1831: Disfalo de Granda Kolombio
• 1835: Pacifiko: al ĉefa insulo de la Chatham-insularo albordiĝis brita ŝipo kun 500 armitaj maorioj, kiuj komencis masakron de praloĝantoj
• 1842: Universitato de Ĉilio fondiĝis en Santiago de Ĉilio
• 1849: Germanio: en Lepsiko okazis premiero de 4-a simfonio de Franz Schubert
• 1850: Hispanio: Reĝa Teatro malfermiĝis en Madrido, en ĉeesto de la reĝino Isabel la 2-a
• 1850: Egiptio: franca arkeologo kaj egiptologo Auguste Mariette trovis sidantan skribiston en la nekropolo de Sakkara (skulptarto de la Malnova imperio de Egiptio)
• 1863 Usona Enlanda Milito: prezidento de Usono Abraham Lincoln elparolis la faman mesaĝon Diskurso apud Gettysburg sur la tombejo en loko de la batalo de Gettysburg kun 50 mil viktimoj ambaŭflanke
• 1885: Bulgara armeo venkis la serban en batalo de Slivnica, en la milito de Princlando Bulgario kaj Reĝlando Serbio
• 1889: Flago de Brazilo oficialiĝis
• 1892: En Hungario ekfunkciis unua registaro de Sándor Wekerle
• 1912: Unua Balkana milito: serba armeo konkeris Bitola, finante kvinjarcentan turkan regadon super geografi-historia regiono Makedonio (Nord-Makedonio kaj partoj de Grekio kun Bulgario)
• Unua mondmilito:
  • 1916: Centraj Potencoj okupis Bukareŝton
  • 1917: Regopovoj de Turkio internigis en Nazareto Latinan Patriarkon de Jerusalemo
• 1918: Pola-ukraina milito: subkolonelo Michał Tokarzewski-Karaszewicz ekmarŝis kun trupoj malantaŭ kirasita trajno - komenco de la sukcesa militiro por batalanta Lvovo
• 1919: Dua Pola Respubliko: pola ŝtatestro Józef Piłsudski iĝis honora civitano de Bjalistoko
• 1919: Usona Senato malakceptis ratifon de la Traktato de Versajlo, malebligante al Usono aliĝi al la Ligo de Nacioj
• 1933: En Dua Hispana Respubliko dum la unua demokratia baloto kun partopreno de virinoj venkis Hispana Konfederacio de Aŭtonomaj Dekstro-partioj
• 1934: Testoflugo de franca patrola hidroplano Loire 130
• Dua mondmilito:
  • 1939: Germana okupado de Pollando: en Varsovio germanoj ekzekutis 15 polojn pro posedo de armiloj kaj "rabado"; Britio kaj Francio donis al Pollando la rajton partopreni en laboroj de Supera Milita Konsilio; Berlino: el taglibro de Joseph Goebbels: el Krakovo alvenas Frank. Plendas plenamare pro mola kaj cedema kondutmetodo de Wehrmacht. Ĉi tie denove interveno de Führer estas bezonata; post soveta invado en Pollandon 14 polaj literaturistoj (interalie Tadeusz Boy-Żeleński) subskribis deklaron salutantan transdonon de Okcidenta Ukrainio al Ukraina Soveta Socialisma Respubliko
  • 1940: En Varsovio estis arestita Piotr Kownacki, kunlaboranto de la revuo "Walka" (Batalo) de Nacia Partio, enprizonigita en Pawiak, mortis en koncentrejo Aŭŝvico, kaj lia edzino Zofia el domo Chełchowska, kunlaborantino de "Dziennik Wileński" (Vilna Ĵurnalo), malliberulino de koncentrejo Ravensbrück, mortis pro tifo en 1945; Pola ekzila registaro voĉdonis pri kreo de Oficejo pri Kontinenta Kampanjo, kiu kunlaborigus polojn sur okupataj de Germanio teritorioj kaj establus informejojn en neŭtralaj ŝtatoj; Albana Fronto: brita aviado en Grekio komencis agadon, kies ĉasaviadiloj pafalterigis super Korçë-regiono 9 italajn aviadilojn; Mediteraneo: "Fortoj H" finis 5-tagan operacon transporti aviadilojn al Malto (el 14 startantaj de aviadilŝipo nur 5 atingis la insulon)
  • 1941: En Poznań germanoj gilotinis 11 polojn; de Varsovio al koncentrejo en Aŭŝvico foriris transporto kun pli ol 170 malliberuloj, dum kiu dekkelkaj sukcesis fuĝi; germanoj establis punlaborejon en Zarudzie (distrikto Zamojski) kaj pafmortigis en Vilno 171 judojn kaj 8 polojn; "Nowy Świat" (Nova Mondo) eldonata en Nov-Jorko aperigas depeŝon de Amsterdamo pri aresto de 15 civitanoj de Nederlando pro ilia helpo ebliganta fuĝon al Anglio de 40 poloj, agentoj de Gestapo arestis 5 fiŝistojn helpantaj forkuri al polaj pilotoj; Orienta Fronto: la soveta 16-a Armeo retiriĝis de Volokolamsk-regiono al antaŭurboj de Klin; apud Azova maro germana 1-a Kirasita Ameo atingis nordan randon de Rostov-na-Donu
  • 1942: En geto de Drohobiĉ estis murdita de gestapano Bruno Schulz, pola verkisto kaj pentristo juddevena; germana polico forveturigis de Varsovio 80 virojn al Aŭŝvico; Pola Enlanda Armeo ĵurigis komandantojn de NOW (Nacia Militista Organizaĵo - nombranta pli ol 70 mil soldatojn); Operaco Urano: komenco de la sovetia kontraŭofensivo dum la batalo ĉe Stalingrado kun ĉirkaŭigo de la germana 6-a Armeo
  • 1943: Operaco Reinhardt: dum likvido de koncentrejo en Lvovo ĉe la strato Janowska germanoj murdis kelke da miloj de judoj el 200 mil viktimoj dum ties daŭro - post la ekstermo la trudlaborejo funkciis ĝis duono de 1944 kaj restis en ĝi kelkcent poloj kaj ukrainoj, interalie Simon Wiesenthal; germana polico pendumis en Strzemieszyce (apud Dąbrowa Górnicza) 11 polajn komunistojn kaj pafmortigis en Dąbrówka (distrikto Biłgorajski) 9 kaj en Sandomierz 8 personojn; en Katowice germanoj senkapigis 6 polojn; komandanto de koncentrejo en Żabikowo mortigis monaĥinon, kiu organizis komunan preĝon kun rozario; membroj de rezistomovado atakis en Jaworzno fabrikon de nitrogeno; bataliono de Pola Enlanda Armeo la tutan tagon batalis apud Żołudek (Grodna regiono) kontraŭ soveta partizana taĉmento; Orienta Fronto: la Ruĝa Armeo malfondis la Nord-Okcidentan Fronton; Cordell Hull postulis de francoj agnoski sendependecon de Libano
  • 1944: Membroj de Pola Rezistomovado atakis en Krakovo fabrikon de ŝuoj kunportante la varon kun miliono da zlotoj; Luksemburgo: 30 membroj de luksemburgia rezistado defendis la urbon Vianden kontraŭ atako de Waffen-SS
• 1943: Dominikanino Margareta de Hungario el Árpád-dinastio estis kanonizita
• 1946: Afganujo, Islando kaj Svedio aniĝis al Unuiĝintaj Nacioj
• 1948: Dua soveta okupado de Pollando: gvidantoj de la politika partio Pola Partio Socialista-Libero, Egaleco, Sendependeco, akuzitaj pri provo faligi reĝimon de Bolesław Bierut estis kondamnitaj al ĝis 10 jaroj de mallibero, inter la kondamnitoj estis Kazimierz Pużak
• 1948: Ĉina enlanda milito: komunista venko en la batalo de Ŝuĝoŭo
• 1949: Rainier la 3-a ektroniĝis kiel princo de Monako
• 1954: Monako: TMC Monte Carlo ekfunkciis
• 1957: Antonín Novotný iĝis prezidento de Ĉeĥoslovakio
• 1968: Prezidento de Malio Modibo Keïta forigita per armea puĉo
• 1969: Stadiono Maracanã: brazila futbalisto Pelé akiris sian milan golon ludante en la futbalteamo Santos FC en Rio-de-Ĵanejro
• 1969: Projekto Apollo: usona skipa misio de Apollo 12 grundiĝis sur la Luno, kun kosmonaŭtoj Pete Conrad kaj Alan Bean
• 1969: Freiberg: en Tivoli germana rokmuzika grupo Puhdys ludis unuan koncerton
• 1972: En Okcidenta Germanio parlamentan baloton gajnis koalicio Socialdemokratia Partio de Germanio-Libera Demokrata Partio
• 1976: Civitanoj de Alĝerio referendume agnoskis novan konstitucion
• 1977: Prezidento de Egiptio Anvar Sadat faris sian historian viziton en Kneset - kiel unua arabo oficiale vizitis Israelon
• 1982: Futbalklubo Dinamo Minsko iĝis ĉampiono de Sovetunio
• 1984: Ĥaosa Komputila Klubo fariĝas konata al pli vasta publiko
• 1984: En antaŭurboj de Meksikurbo, kvar grandaj kaj diversaj pli malgrandaj LPG-stokujoj eksplodis
• 1985: En Usono fondiĝis Fondaĵo Solidareco
• 1989: Senkomunismigo:
  • Restaĵoj de Vasil Stus kaj du aliaj ukrainaj disidentoj estis transportitaj de la puntendaro Perm-36 kaj reentombigitaj en la Bajkov-tombejo en Kievo
  • Ĉeĥoslovaka revolucio: en Prago estiĝis Civitana Forumo kun neformala gvidanto Vaclav Havel
• 1990: 22 ŝtatoj de NATO kaj Varsovia Traktato subskribis en Parizo pakton pri konvenciaj armiloj en Eŭropo
• 1990: Teknologio:
  • Ofica programaro Microsoft Office lanĉita por Microsoft Windows
  • Interreto: Instituto pri Nuklea fiziko en Krakovo ricevis, kiel unua en Pollando, IP-adreson (192.86.14.0), kiu estis al ĝi atribuita de la Usona Departmento de Defendo
• 1996: Kofi Annan iĝis Ĝenerala Sekretario de la Unuiĝintaj Nacioj
• 1999: En Svislando oni malfermis tunelon Vereina, la plej longan en la mondo tunelon de etŝpura fervojo (19 058 m)
• 1999: Ĉinio lanĉis kosmoŝipon Shenzhou - ĝia unua spaca misio
• 2004: Kievo: en Domo kun ĥimeroj oni inaŭguris muzean-kulturan centron - Belartaj ĉefverkoj de Ukrainio
• 2005: Irako: Masakro de Haditha - soldatoj de Usona Marinfanteria Korpuso murdis 24 personojn
• 2005: Transprenantoj de regopovo:
  • Srilanko: Mahinda Rajapaksa iĝis prezidento
  • Monako: Alberto la 2-a ektroniĝis
• 2005: Japana asteroidsondilo Hajabusa atingis Itokaŭan
• 2006: Premiero de ludkonzolo Wii
• 2009: Herman Van Rompuy iĝis prezidanto de la Eŭropa Konsilio kaj Catherine Ashton alta reprezentanto pri eksterlandaj aferoj kaj sekureca politiko
• 2010: Norvega insulo Janmajeno en Arkta Oceano iĝis naturrezervejo
• 2012: Pollando iĝis membro de Eŭropa Kosma Agentejo
• 2013: 24 personoj pereis kaj 146 vundiĝis pro atenco kontraŭ ambasadejo de Irano en Bejruto
• 2017: Monda Tago de Malriĉuloj unuafoje festata - laŭ iniciato de papo Francisko
• 2020: Monda Tago de Filozofio - festata laŭ iniciato de Unesko la trian ĵaŭdon de novembro

Naskiĝoj

• 1600: Karlo la 1-a, reĝo de Anglio, Skotio kaj Irlando el dinastio Stuartoj, unusola brita reganto ekzekutita (per senkapigo) (m. 1649)
• 1650: Henriko (Saksio-Römhild), germana duko (m. 1710)
• 1711: Miĥail Lomonosov, rusa poeto kaj sciencisto, pioniro de fizika kemio, kreinto de la Moskva Ŝtata Universitato (m. 1765)
• 1730: Domenico Pignatelli Di Belmonte, itala kardinalo
• 1752: George Rogers Clark, usona revolucia militestro, konkeranto de nord-okcidento dum la bataloj kun britoj (m. 1818)
• 1769: Elise Bürger, germana aktorino kaj verkistino
• 1770: Bertel Thorvaldsen, dana skulptisto islanddevena dum la Ora epoko, aŭtoro de monumentoj al Koperniko kaj princo Józef Poniatowski en Varsovio (m. 1844)
• 1775: Johann Karl Wilhelm Illiger, germana entomologo kaj zoologo (m. 1813)
• 1799: René Caillié, franca esploristo de Okcidentafriko, kaŝanta sin kiel islamano, distingita de Honora legio (m. 1838)
• 1805: Ferdinand de Lesseps, franca diplomato kaj entreprenisto efektiviginta Suezan kanalon kaj Panaman kanalon (m. 1894)
• 1819: Auguste Vacquerie, franca ĵurnalisto kaj intelektulo (m. 1895)
• 1831: James A. Garfield, prezidento de Usono, oratoro, murdita (m. 1881)
• 1853: Gabriel Hanotaux, franca politikisto, historiisto kaj diplomato, kontraŭa al la akcepto de esperanto kiel laborlingvon de la Ligo de Nacioj (m. 1944)
• 1854: Henri Vallienne, franca kuracisto kaj pacifisto, vicprezidanto de Tutmonda Esperantista Kuracista Asocio, elektita dum UK 1908, laŭverse esperantiginta la du unuajn kantojn de Eneido de Vergilio, Metamorfozoj de Ovidio kaj franclingvan romaneton Manon Lescaut, aŭtoro de du esperantlingvaj originalaj romanoj Kastelo de Prelongo kaj Ĉu li?, konata de la broŝuro Por kaj kontraŭ Esperanto (m. 1908)
• 1854: Jan Sztolcman, pola bestosciencisto, vojaĝisto kaj ornitologo, protekt-iniciatinto de la eŭropa bizono (m. 1928)
• 1854: Benedek Jancsó, hungara historiisto, publikisto kaj koresponda membro de la Hungara Scienca Akademio (m. 1930)
• 1859: Maurice Rollet de l'Isle, franca hidrografia inĝeniero pri marmapoj, pioniro de kartografia aerfotado, distingita per Honora legio, kunorganizanto de neokazinta UK 1914, prezidanto de Espéranto-France, membro de Internacia Centra Komitato, gvidanto de Internacia Scienca Asocio Esperanta, aŭtoro de Provo de marista terminaro, Konsilaro por la farado de la sciencaj kaj teknikaj vortoj (m. 1943)
• 1870: Walter Runciman, brita politikisto kaj diplomato, konata de la misio de Runciman, kiu signife kontribuis al la Munkena interkonsento (m. 1949)
• 1872: Alberto Alessio, itala matematikisto, admiralo kaj esperantisto, partopreninta UK 1920, honora membro de la Itala Katedro de Esperanto (m. 1944)
• 1875: Miĥail Kalinin, sovetia politikisto (m. 1946)
• 1882: Dezső Végh, hungara komunisto, ĵurnalisto, redaktoro, vicurbestro de Debreceno (m. 1953)
• 1883: Ágoston Marich, hungara oficisto de poŝto kaj polico, sekretario de unua Esperanto-grupo en Budapeŝto, redaktoro kaj eldonisto de kelkaj Esperanto-gazetoj kiel "La Verda Standardo" kaj "La Polico", kontribuanta al polica Esperanto-movado, Esperanto-kolektisto (m. 1955)
• 1885: Evža Faulhaber-Čiškovská, ĉeĥa esperantistino, edzino de Frits Faulhaber, estrarano de la Federacio de Laboristaj Esperantistoj, redaktinta infanrevuon "La Vojo", kuntradukistino al Esperanto de Skizoj pri Nederlando (m. 1961)
• 1885: Kazimierz Sosnkowski, pola generalo kaj politikisto, la plej proksima kunlaboranto de Józef Piłsudski, ĉefkomandanto de la Asocio de Armita Batalado kaj eksterlande Supera Komandanto de Polaj Armitaj Fortoj, ministro en la pola ekzila registaro (m. 1969)
• 1888: José Raúl Capablanca, kuba ŝakmondĉampiono (m. 1942)
• 1896: Bruno Migliorini, itala lingvisto kaj itala esperantisto, fondinto de Esperanta grupo "L.L.Zamenhof" en Venecio, kunverkinto de Esperanta Legolibro, preleganto de Somera Universitato kadre de UK 1930 kaj UK 1932, membro de la honora komitato de UK 1955 en Bolonjo (m. 1975)
• 1900: Anna Seghers, germana verkistino (m. 1983)
• 1905: Tommy Dorsey, usona ĵazmuzkisto, trombonisto (m. 1956)
• 1917: Indira Gandhi, ĉefministrino de Barato, filino de Jawaharlal Nehru, murdita venĝe pro militista operaco kontraŭ separistoj en sikisma templo Harmandir Sahib en Amritsar (m. 1984)
• 1918: Hendrik Christoffel van de Hulst, nederlanda astronomo kaj matematikisto (m. 2000)
• 1921: Max Kruse, germana verkisto de porinfanaĵoj (m. 2015)
• 1925: Zygmunt Bauman, pola-juda oficiro kontraŭbatalinta anatemitajn soldatojn, filozofo kaj sociologo (m. 2017)
• 1926: Adalberto Huleŝ, hungara verkisto, poeto, filozofo, tradukisto, profesoro kaj Esperanto-verkisto, laboranto de Hungaria Esperanto-Asocio (m. 2002)
• 1926: Erzsébet Bálint, hungara muzikinstruistino, primuzika verkistino, filino de Ákos Bálint
• 1927: László Lator, hungara poeto kaj tradukisto
• 1927: Judit Petre, rumania hungara libroeldoneja redaktorino
• 1931: Sámuel Jakab, rumania hungara geografo
• 1936: Tibor Béla Prezenszky, rumania hungara inĝeniero pri mekaniko
• 1936: Ljubiša Samardžić, serba aktoro, funkciulo de la Komunista Partio de Jugoslavio
• 1943: László Király, rumania hungara poeto, prozisto kaj redaktoro, edzo de Éva Katona
• 1944: Eugeniusz Rzewuski, pola afrikisto kaj diplomato, spertulo pri svahila lingvo, bantuoj kaj portugallingva Afriko
• 1946: Győző Székely, rumania hungara inĝeniero, libroeldoneja redaktoro
• 1950: Katalin Halmos, rumania hungara muzikpedagogino
• 1952: Petra Janů, ĉeĥa muzikistino, kantistino kaj aktorino
• 1956: József Sándor, rumania hungara matematikisto kaj profesoro
• 1957: Ofra Haza, israela kantistino, komponistino kaj aktorino deveninta de Jemeno (m. 2000)
• 1961: Meg Ryan, usona aktorino rolinta en komedioj
• 1962: Jodie Foster, usona aktorino kaj reĝisorino, rolinta en Taxi Driver
• 1967: Gyula Lőrincz, rumania hungara grafikisto, pentristo, scenejdekoraciisto
• 1972: Éva Borbély-Bartis, rumania hungara etnografino
• 1981: Yfke Sturm, nederlanda fotomodelino

Mortoj

• 496: Gelasio la 1-a, papo, romano el afrika familio, sekretario de la papoj Simplicio kaj Felikso la 3-a
• 498: Anastazio la 2-a, papo serĉanta interkomprenon kun adeptoj de kondamnita Patriarko de Konstantinopolo, pro kio li ne enlistiĝis en Liber pontificalis
• 766: Egbert, ĉefepiskopo de Jorko, Anglio (n. nekonata)
• 1092: Malikŝah la 1-a, sultano de Selĝuka Imperio (n. 1055)
• 1408: Bálint Alsáni, hungara kardinalo, kanoniko, diplomato (n. 1330)
• 1492: Ĝami, persa sufiisma poeto, mistikulo, historiisto, teologo vivanta en Herato, konata en Turkio kaj Centra Azio, inspirata de la gazaloj de Hafizo, aŭtoro de la propra divan (n. 1414)
• 1557: Bona Sforza, dukino de Bari, reĝino de Pollando enkondukinta la italan literaturon kaj nutraĵojn de itala kuirarto, vidvino post Sigismondo la 1-a, murdita laŭ inspiro de Habsburgoj (n. 1494)
• 1580: Jiří Melantrich, ĉeĥa libropresisto kaj eldonisto de renesanco, kontribuinta al presarto (n. 1511)
• 1630: Johann Hermann Schein, germana poeto kaj komponisto de baroko (n. 1586)
• 1665: Nicolas Poussin, franca pentristo de baroko, kies pentraĵoj iĝis fundamento de la franca klasikismo, aŭtoro de religiaj kaj mitologiaj pentraĵoj (n. 1594)
• 1672: John Wilkins, angla episkopo, naturfilozofo, kriptografiisto, kunfondinto de la Reĝa Societo de Londono, kies libro Reala Karaktero kaj Filozofia Lingvo inspiris Ludovikon Zamenhof krei esperanton (n. 1614)
• 1729: Johann Franz Buddeus, germana teologo, historiisto kaj filozofo, profesoro pri morala teologio (n. 1667)
• 1825: Aleksandro la 1-a, imperiestro de Rusio el dinastio Romanovoj (n. 1777)
• 1828: Franz Schubert, aŭstra komponisto de klasika muziko kaj fruromantisma muziko (n. 1797)
• 1855: Mihály Vörösmarty, hungara verkisto, kunfondinto de Societo Kisfaludy kaj de la revuo Athenaeum (n. 1800)
• 1883: Dániel Benkő, hungara agrikulturisto kaj akademiano (n. 1799)
• 1884: George Bissell, usona nafto-magnato (n. 1821)
• 1891: Gergely Csiky, hungara dramverkisto kaj tradukisto armendevena (n. 1842)
• 1895: Tivadar Törös, hungara ĵurnalisto, esploristo pri armenoj en Hungario (n. 1858)
• 1910: Rudolph Fittig, germana kemiisto, izolinta fenantrenon el ŝtonkarbo, esplorinta strukturon de naftalino (n. 1835)
• 1915: Joe Hill, sveda-usona politika kantisto kaj membro de la sindikato Industriaj Laboristoj de la Mondo, aŭtoro de esperantigita kanzono La Predikisto kaj la Sklavo, ekzekutita (n. 1915) (n. 1879)
• 1936: August Possecker, germana paleontologo
• 1942: Bruno Schulz, pola verkisto, desegnisto kaj literaturkritikisto juddevena, popularigata de Jerzy Ficowski, murdita (n. 1892)
• 1945: Albert Fogarasi, hungara filologo, historiisto, rektoro (n. 1851)
• 1967: Kazimierz Funk, pola biokemiisto, esploristo, kreinto de scienco pri vitaminoj, okupiĝanta pri kuracado de malsanuloj kun avitaminozo (n. 1884)
• 1967: João Guimarães Rosa, brazila verkisto, kuracisto, diplomato, poligloto scipovanta Esperanton (n. 1908)
• 1968: Leonard Nowell Mansell Newell, angla asekuristo, sekretario kaj vicprezidanto de Londona Esperanto-Klubo, ĉefredaktoro de "International Language", kunorganizanto de UK 1930 kaj UK 1932, kontribuanto al "Literatura Mondo" kaj poemantologio Dekdu Poetoj, prezidanto de Aŭstralia Esperanto-Asocio (n. 1902)
• 1970: Andrej Ivanoviĉ Jeremenko, sovetia militisto, marŝalo de Sovetunio, Heroo de Sovetunio (n. 1892)
• 1989: Elvira Lippe, latva Esperanto-poetino (n. 1904)
• 1993: Leonid Gajdaj, sovetia, rusia filmreĝisoro (n. 1923)
• 2007: Magda Szabó, hungara verkistino, persekutita de la aŭtoritatoj (n. 1917)
• 2010: Lajos Demény, rumanihungara historiisto okupiĝanta pri malplimultoj (n. 1926)
• 2012: Boris Strugackij, sovetia, rusia verkisto pri sciencfikcio, kies eperantlingvan libroserion lanĉis eldonejo Impeto (n. 1933)
• 2017: Charles Manson, usona krimulo (n. 1934)
• 2017: Jana Novotná, ĉeĥa tenisistino gajninta internacian Hopman-pokalon (n. 1968)
• 2019: Fritz von Weizsäcker, germana kuracisto, specialisto pri interna medicino kaj gastroenterologio (n. 1960)

Specialaj tagoj kaj festoj

• Nacia tago en Monako, nomfesto de princo Rainier la 3-a
• Sankta Elizabeto de Hungario, landgrafino en Turingio
• Monda Tago de Necesejoj, decidita en 2001
• Internacia Prevento-Tago kontraŭ Perforto al Infanoj - ekde 2001

Tagoj de semajno

La 19-a de novembro estas (laŭ gregoria kalendaro):

• Dimanĉo en jaroj: 1589 1595 1600 1606 1617 1623 1628 1634 1645 1651 1656 1662 1673 1679 1684 1690 1702 1713 1719 1724 1730 1741 1747 1752 1758 1769 1775 1780 1786 1797 1809 1815 1820 1826 1837 1843 1848 1854 1865 1871 1876 1882 1893 1899 1905 1911 1916 1922 1933 1939 1944 1950 1961 1967 1972 1978 1989 1995 2000 2006 2017 2023 2028 2034 2045 2051 2056 2062 2073 2079 2084 2090;
• Lundo en jaroj: 1584 1590 1601 1607 1612 1618 1629 1635 1640 1646 1657 1663 1668 1674 1685 1691 1696 1703 1708 1714 1725 1731 1736 1742 1753 1759 1764 1770 1781 1787 1792 1798 1804 1810 1821 1827 1832 1838 1849 1855 1860 1866 1877 1883 1888 1894 1900 1906 1917 1923 1928 1934 1945 1951 1956 1962 1973 1979 1984 1990 2001 2007 2012 2018 2029 2035 2040 2046 2057 2063 2068 2074 2085 2091 2096;
• Mardo en jaroj: 1585 1591 1596 1602 1613 1619 1624 1630 1641 1647 1652 1658 1669 1675 1680 1686 1697 1709 1715 1720 1726 1737 1743 1748 1754 1765 1771 1776 1782 1793 1799 1805 1811 1816 1822 1833 1839 1844 1850 1861 1867 1872 1878 1889 1895 1901 1907 1912 1918 1929 1935 1940 1946 1957 1963 1968 1974 1985 1991 1996 2002 2013 2019 2024 2030 2041 2047 2052 2058 2069 2075 2080 2086 2097;
• Merkredo en jaroj: 1586 1597 1603 1608 1614 1625 1631 1636 1642 1653 1659 1664 1670 1681 1687 1692 1698 1704 1710 1721 1727 1732 1738 1749 1755 1760 1766 1777 1783 1788 1794 1800 1806 1817 1823 1828 1834 1845 1851 1856 1862 1873 1879 1884 1890 1902 1913 1919 1924 1930 1941 1947 1952 1958 1969 1975 1980 1986 1997 2003 2008 2014 2025 2031 2036 2042 2053 2059 2064 2070 2081 2087 2092 2098;
• Ĵaŭdo en jaroj: 1587 1592 1598 1609 1615 1620 1626 1637 1643 1648 1654 1665 1671 1676 1682 1693 1699 1705 1711 1716 1722 1733 1739 1744 1750 1761 1767 1772 1778 1789 1795 1801 1807 1812 1818 1829 1835 1840 1846 1857 1863 1868 1874 1885 1891 1896 1903 1908 1914 1925 1931 1936 1942 1953 1959 1964 1970 1981 1987 1992 1998 2009 2015 2020 2026 2037 2043 2048 2054 2065 2071 2076 2082 2093 2099;
• Vendredo en jaroj: 1582 1593 1599 1604 1610 1621 1627 1632 1638 1649 1655 1660 1666 1677 1683 1688 1694 1700 1706 1717 1723 1728 1734 1745 1751 1756 1762 1773 1779 1784 1790 1802 1813 1819 1824 1830 1841 1847 1852 1858 1869 1875 1880 1886 1897 1909 1915 1920 1926 1937 1943 1948 1954 1965 1971 1976 1982 1993 1999 2004 2010 2021 2027 2032 2038 2049 2055 2060 2066 2077 2083 2088 2094;
• Sabato en jaroj: 1583 1588 1594 1605 1611 1616 1622 1633 1639 1644 1650 1661 1667 1672 1678 1689 1695 1701 1707 1712 1718 1729 1735 1740 1746 1757 1763 1768 1774 1785 1791 1796 1803 1808 1814 1825 1831 1836 1842 1853 1859 1864 1870 1881 1887 1892 1898 1904 1910 1921 1927 1932 1938 1949 1955 1960 1966 1977 1983 1988 1994 2005 2011 2016 2022 2033 2039 2044 2050 2061 2067 2072 2078 2089 2095.