Natria perkarbonato

Natria perkarbonato
Kemia strukturo de la Natria perkarbonato
3D Kemia strukturo de la Natria perkarbonato
Kemia formulo	2 Na2CO3•3 H2O2
CAS-numero-kodo	15630-89-4
ChemSpider kodo	13399092
PubChem-kodo	159762
Fizikaj proprecoj
Aspekto	Blanka solido
Molmaso	156,982 g mol−1
Smiles	[Na+].[O-]C(=O)OO
Solvebleco	Akvo:150 g/l
Mortiga dozo (LD50)	1034 mg/kg (muso, buŝa)
Ekflama temperaturo	Ne bruliva
Sekurecaj Indikoj
Risko	R8 R22 R36 R38 R41
Sekureco	S3 S8 S17 S26 S37/39
Pridanĝeraj indikoj
Danĝero Xi Irita O Oksidiga agento
GHS etikedigo de kemiaĵoj
GHS Damaĝo-piktogramo
GHS Signalvorto	Damaĝa substanco
GHS Deklaroj pri damaĝoj	H272, H302, H318
GHS Deklaroj pri antaŭgardoj	P210, P220, P221, P264, P270, P280, P310
Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo (25 °C kaj 100 kPa)

Natria perkarbonato aŭ perkarbonato de natrio estas kemia adukto de natria karbonato kaj hidrogena peroksido kun formulo 2 Na₂CO₃•3 H₂O₂, blanka aŭ senkolora kristala substanco, higroskopa kaj tre solvebla en akvo. Ĝi uzatas kiel eko-akordigebla puriga substanco kaj kiel fonto en laboratorio por preparado de hidrogena peroksido anhidra.

Proprecoj

Ĉi-produkto enhavas la anjonon karbonatan kaj oni ne devas konfuzi kun natria perokso-karbonato aŭ Na₂CO₄ kaj natria perokso-dukarbonato aŭ Na₂C₂O₆, kiuj enhavas malsamajn anjonojn.

Natria perkarbonato estis unue preparita, en 1899, fare de la rusa kemiisto Sebastian Moiseevich Tanatar (1849-1917). Ĉe meditemperaturo, solida natria perkarbonato prezentas ortoromban kristalstrukturon, kun Cmca kristalografa spacogrupo.

Produktado

Natria perkarbonato estas industrie produktata per reakcio de natria karbonato kaj hidrogena peroksido sekvata de kristaliĝo. Same, seka natria karbonato povas senpere traktiĝi per koncentrita solvaĵo de hidrogena peroksido. La monda kapablo pri produktado de ĉi-substanco estas taksita je pluraj centoj da miloj de tunoj dum 2004. Laboratorie, ĝi estas preparebla per traktado de la du substancoj akompanata de pH kontrolo.

Uzoj

Kiel oksidigagento, natria perkarbonato estas ingredienco alesta en pluraj domoj kaj purigaj produktoj por lavbutikoj, inkluzive de klorosenaj produktoj uzataj de kelkaj famaj markoj. Dissolvita en akvo, ĝi estigas miksaĵon da hidrogena peroksido (kiu eventuale malkomponiĝas en akvo kaj oksigeno) kaj natria karbonato.

Natria perkarbonato povas esti uzata en organikaj sintezoj kiel konvena fonto de anhidra hidrogena peroksido (aŭ H₂O₂), ĉefe en solvantoj kiu ne kapablas dissolvi la karbonaton, sed povas ekstrakti el ĝi la hidrogenan peroksidon.

Sintezo

$\mathrm {2\;Na_{2}CO_{3}+3\;H_{2}O_{2}\longrightarrow 2\;Na_{2}CO_{3}.3\;H_{2}O_{2}}$

Reakcio

$\mathrm {2\;Na_{2}CO_{3}.3\;H_{2}O_{2}\longrightarrow 2\;Na_{2}CO_{3}+3\;H_{2}O_{2}}$

Literaturo

• Organic Chemistry Portal
• Sigma Aldrich
• Chemistry in your cupboard
• Mistral Industrial Chemicals
• Chemical Book
• American Elements
• Handbook of Detergents, Part F: Production, Uri Zoller, Paul Sosis
• Boron Compounds—Advances in Research and Application: 2013 Edition
• Codex Alimentarius: Milk and milk products, Joint FAO/WHO Codex Alimentarius Commission