Bořice

	Bořice
	municipo
	Gastejo en Bořice
Flago	Blazono
	Oficiala nomo: Bořice
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Chrast
Historia regiono	Bohemio
Montaro	Svitava montetaro
Situo	Bořice
- alteco	245 m s. m.
- koordinatoj	49° 58′ 50″ N 15° 55′ 19″ O / 49.98056 °N, 15.92194 °O (mapo)
Katastro	3,20 km² (320 ha) Bořice u Hrochova Týnce
Loĝantaro	186 (2024)
Denseco	58,13 loĝ./km²
Unua skribmencio	1382
Horzono	MET (UTC+1)
- somera tempo	MET (UTC+2)
Poŝtkodo	538 62
NUTS 3	CZ053
NUTS 4	CZ0531
NUTS 5	CZ0531 571229
Katastraj teritorioj	1
Partoj de municipo	1
Bazaj setlejunuoj	2
	Situo enkadre de Ĉeĥio Situo enkadre de Ĉeĥio
	Vikimedia Komunejo: Bořice (okres Chrudim)
	Retpaĝo: www.obec-borice.info
	Portalo pri Ĉeĥio

Por aliaj signifoj, bv. rigardi la apartigilan paĝon: Bořice (apartigilo)

Koordinatoj: 49° 58′ 50″ N 15° 55′ 19″ O / 49.98056 °N, 15.92194 °O (mapo)

Municipo Bořice situas en Ĉeĥio, regiono Pardubice, distrikto Chrudim, en ebenaĵo de rivero Novohradka, 16 km sudoriente de urbo Pardubice kaj 11 km oriente de urbo Chrudim. Vivas ĉi tie 186 loĝantoj (2024). Apud la vilaĝo estas fervoja haltejo sur linio Moravany - Chrudim. Kvankam la municipo ne membriĝas en partojn, krom la propra Bořice estas ĝia konsisto ankaŭ baza setlejunuo Podbor.

La najbaraj municipoj de la setlejo estas Moravany, Hrochův Týnec, Čankovice, Dvakačovice, Slepotice kaj Kostěnice.

Historio[redakti | redakti fonton]

En la vilaĝparto Podbor estis trovitaj arĥeologiaĵoj, kiuj atestas pri prisetlado jam en tempoj de luzacia kulturo, kiu datiĝas inter 12-a kaj 4-a jarcentoj a.K. La slava prisetlado estas eble dokumentita per trovo de cindriga sepultejo en la plej alta loko de la komunumo, kiu estas el tempo inter la 8-a kaj 10-a jarcentoj de nia erao.

En mezepoko estis ĉi tie fortikaĵeto kun senjora korto kaj fruktoĝardenoj, ĉirkaŭ kiuj kreskis terkulturistaj bienoj.

La vilaĝon tute evitis germana koloniigo, pri kio atestas fakto, ke inter malnovaj loĝantoj tute ne aperas germanaj nomoj. La unua skriba mencio pri Bořice estas el la jaro 1122 kaj koncernas senjoran korton, kiu estis en loko de nuna bieno n-ro 17. Pri vilaĝo mem estas mencio nur el la jaro 1382 kaj rememoras senjoron Václav el Bořice. Post kelkaj posedantoj la vilaĝo fariĝis parto de la senjorejo Chrast.

La vilaĝo ege suferis en tridekjara milito, ĉar situas sur linio inter Vysoké Mýto kaj Pardubice, kiun sekvis la svedaj trupoj. En la jaro 1652 estas en Bořice dokumentitaj ses neloĝataj bienoj.

En la nova epoko Bořice estis kaj estas moderna progresema vilaĝo, malgraŭ ke pro fora situo de industriaj entreprenoj nombro de ĝia loĝantaro relative multe malkreskis el 469 loĝantoj en la jaro 1910 je nunaj 173. En la vilaĝo ĉiam estis kaj estas vigla agado de diversaj kulturaj kaj sportaj societoj kaj sur bona nivelo estas ankaŭ komunuma teknika ekipaĵo.