Sobětuchy

Sobětuchy
	Preĝejo de Sankta Triunuo
Flago	Blazono
Administrado
Statuso	Vilaĝo
Lando	Ĉeĥio
Regiono	Pardubice
Distrikto	Chrudim
Fondita en	1272 (la unua skriba mencio)
Poŝtkodo	537 01 [+]
En TTT	Oficiala retejo [+]
Demografio
Loĝantaro	996 (2022) [+]
Loĝdenso	261 loĝ./km²
Geografio
Geografia situo	49° 56′ N, 15° 46′ O (mapo)49.93145546369915.763436759937Koordinatoj: 49° 56′ N, 15° 46′ O (mapo) [+]
Alto	285 m [+]
Areo	3,821864 km² (38 2.1 864 ha) [+]
	Sobětuchy
	Sobětuchy
	Ĉeĥa respubliko
Alia projekto
	Vikimedia Komunejo Sobětuchy [+]
	v • d • r

Vilaĝo Sobětuchy situas en Ĉeĥio, regiono Pardubice, distrikto Chrudim, en milde ondoforma pejzaĝo sub montetaro Železné hory, sub monteto Dubinec, ĉe Markovický rivereto, 3 km sudokcidente de la urbo Chrudim. Vivas ĉi tie 996 loĝantoj (2022).

Vilaĝpartoj[redakti | redakti fonton]

Al la Municipa komunumo apartenas vilaĝpartoj:

Sobětuchy
Pouchobrady
Vrcha

Historio[redakti | redakti fonton]

La unua skriba mencio pri la vilaĝo devenas el la jaro 1272, kiam estas sur la akto inter atestantoj subskribita senjoro Boleslav el Sobětuchy.

Memorindaĵoj[redakti | redakti fonton]

Ligna preĝejo de Sankta Triunuo staris en domaro Pouchobrady jam komence de la 14-a jarcento. En la jaro 1350 ĝi estas rememorata kiel paroĥa preĝejo. Pli malfrue ĝi estis rekonstruita en gotika stilo. En la jaro 1889 estis konstruita nova masonita turo, renovigita fasado kaj instalita orgeno. La preĝejo estas ununava kun trilatere fermita presbiterejo, kun sakristio sur norda flanko kaj kun turo antaŭ la okcidenta frontalo. La presbiterejo estas kruce volbita, en norda muro estas sankta ŝranko kun origina krado. La sakristio estas barele volbita, el la presbiterejo ĝi estas alirebla per sela portaleto. En la presbiterejo estas restoj de murpentraĵoj el la dua duono de 14-a jarcento, restaŭritaj en la jaro 1934. Ili prezentas simbolojn de Evangeliistoj, starantan Kriston, Sanktan Maria Protektantinon, Ecce homo, Veraikonon (represon de Krista faco sur tola tuko), Morton de Sankta Maria. La navo estas platplafona, en la subturo estas pintarka portaleto. El la ekipaĵo la plej valora estas tabula bildo de Asumpto (Sankta Maria Ĉielenprenata sur nubeto portata de anĝeloj) kun Sankta Barbara kaj Sankta Katarino de majstro de altaro en Hradec Králové el tempo antaŭ la jaro 1500. Pluaj valoraĵoj estas mezepoka ŝtona baptujo kaj bildo de sanktulino el tempo ĉirkaŭ la jaro 1300.