Vilaĝo Hluboká ekestis verŝajne en la 13-a jarcento kiel karbigista domaro kaj ĝia nomo Hluboká (Profunda) estis derivita de lokiĝo en vastaj (profundaj) arbaroj.
En la vilaĝo estas videblaj kelkaj originaj masonitaj kaj ĉarpentitaj vilaĝaj domoj, sur vilaĝplaco estas kampanileto. Proksime de la vilaĝo kreskas vidindaj grandaj tilioj kaj super la vilaĝo estas belvidejo Borůvka (Mirtelo). En Hluboká estas nova skilifto kun prilumata skidescendejo kaj artefara neĝigado.