Stašov (distrikto Svitavy)

El Vikipedio, la libera enciklopedio
Por aliaj signifoj, bv. rigardi la apartigilan paĝon: Stašov
Stašov
germane Dittersbach
municipo
Municipa ofico en Stašov
Flago
Blazono
Oficiala nomo: Stašov
Ŝtato Ĉeĥio Ĉeĥio
Regiono Regiono Pardubice
Distrikto Distrikto Svitavy
Administra municipo Polička
Historia regiono Bohemio
Montaro Suprasvratka montetaro, Svitava montetaro
Estinta banloko Banloko Balda
Rivero Křetínka
Situo Stašov
 - alteco 585 m s. m.
 - koordinatoj 49° 40′ 37″ N 16° 22′ 03″ O / 49.67694 °N, 16.36750 °O / 49.67694; 16.36750 (mapo)
Katastro 13,26 km² (1 326 ha) Stašov
Loĝantaro 262 (2023)
Denseco 19,76 loĝ./km²
Unua skribmencio 1557
Horzono MET (UTC+1)
 - somera tempo MET (UTC+2)
Poŝtkodo 572 01
NUTS 3 CZ053
NUTS 4 CZ0533
NUTS 5 CZ0533 578801
Katastraj teritorioj 1
Partoj de municipo 1
Bazaj setlejunuoj 1
Situo enkadre de Ĉeĥio
Situo enkadre de Ĉeĥio
Situo enkadre de Ĉeĥio
Vikimedia Komunejo: Stašov (Svitavy District)
Retpaĝo: www.obec-stasov.cz
Portalo pri Ĉeĥio

Municipo Stašov situas en Ĉeĥio, regiono Pardubice, distrikto Svitavy, en naturparko Údolí Křetínky (Valo de rivereto Křetínka) en orienta submontaro de Žďárské vrchy, 9 km sudoriente de la urbo Polička. En la vilaĝo kaj ĝia ĉirkaŭaĵo estas multaj pentrindaj fiŝlagoj. Vivas ĉi tie 262 loĝantoj (2023).

La najbaraj municipoj de la setlejo estas Bystré, Rohozná, Banín, Pomezí, Polička, Jedlová kaj Radiměř.

Historio[redakti | redakti fonton]

Areo de estinta banejo en Balda

La unuaj skribaj mencioj pri la teritorio devenas el la jaro 1263, kiam ĉi tie troviĝis mastruma korto nomata Stacha. Pri vilaĝo Stašov (germane Dittersbach) estas la unua skriba mencio nur el la jaro 1557.

Parto de la municipo estas ankaŭ Banloko Balda. Sed al ĝi aliĝinta pilgrima kapelo de Virgulino Maria Neĝa jam situas sur katastro de najbara municipo Jedlová.

Loĝantaro[redakti | redakti fonton]

Evoluo de nombro de loĝantoj
La datoj devenas el datumbazo de Vikidatumoj


JaroLoĝantoj
18691 304
18801 229
18901 244
19001 253
19101 181
19211 090
JaroLoĝantoj
1930933
1950344
1961363
1970307
1980277
1991260
JaroLoĝantoj
2001258
2014248
2016249
2017256
2018262
2019263
JaroLoĝantoj
2020266
2021242
2022261
2023262

Memorindaĵoj[redakti | redakti fonton]

Preĝejo[redakti | redakti fonton]

Preĝejo de Ĉielenpreno de Sankta Maria en Stašov estas granda ununava konstruaĵo kun kvaretaĝa prisma turo en okcidenta fronto. Ĝia patrono estis imperiestro Francisko Jozefo la 1-a. Raraĵo de la preĝejo estas, ke la ĉefaltaro troviĝas en ĝia okcidenta flanko, anstataŭ kutima orienta. La ekipaĵo estas novtempa. Origina altara bildo de Ĉielenpreno de Sankta Maria estas el la komenco de 19-a jarcento. La kalvaria vojo estas en rokajaj kadroj de A. Palzer ankaŭ el la komenco de 19-a jarcento, same kiel interesa bildo de Sankta Stefano sub la ĥorejo.

Kapelo[redakti | redakti fonton]

Kapelo situas sur monteto malantaŭ la vilaĝo. Ĝi devenas el la komenco de 19-a jarcento, estas sur kvadrata plano kun triangula pinjono en la fronto. En niĉo estas popoldevena statueto de Pietato kaj de Dolorplena Kristo el la sama tempo kiel la kapelo.

Paroĥestrejo[redakti | redakti fonton]

Apud la preĝejo troviĝas empira teretaĝa paroĥestrejo el la komenco de 19-a jarcento.

Empira domo[redakti | redakti fonton]

Domo n-ro 5 estas empira teretaĝa konstruaĵo el la komenco de 19-a jarcento, kun rondigitaj anguloj, simple membrigita fasado kaj mansarda tegmento.

Turismo[redakti | redakti fonton]

Estinta banejo[redakti | redakti fonton]

Proksimume 6 km okcidente de Stašov troviĝas lokaĵo Balda, kie estis banejo nomata Zlatá studně (Ora puto). Banejaj objektoj jam ne ekzistas, restis nur kapelo de Sankta Maria Neĝa, arbargardistejo kaj fontejo. Apud la fontejo estas refreŝiga kiosko.

En la vilaĝo kaj ĉirkaŭaĵo estas multaj okazoj por fiŝkaptado, skikurado, biciklado kaj leĝera turismo. Trans Stašov gvidas cikloturisma traceo n-ro 4104.

Literaturo[redakti | redakti fonton]

  • Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj[redakti | redakti fonton]