Trojovice

Trojovice
germane Trojowitz
municipo
Preĝejo de sankta Mikaelo
Flago Blazono
Oficiala nomo: Trojovice
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Chrast
Historia regiono	Bohemio
Montaro	Svitava montetaro
Rivero	Ležák
Situo	Trojovice
- alteco	252 m s. m.
- koordinatoj	49° 56′ 11″ N 15° 54′ 42″ O (mapo)
Katastro	2,72 km² (272 ha) Trojovice
Loĝantaro	188 (2024)
Denseco	69,12 loĝ./km²
Unua skribmencio	1244
Horzono	MET (UTC+1)
- somera tempo	MET (UTC+2)
Poŝtkodo	538 33
NUTS 3	CZ053
NUTS 4	CZ0531
NUTS 5	CZ0531 572403
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Trojovice
Retpaĝo: www.trojovice.wz.cz
Portalo pri Ĉeĥio

Municipo Trojovice (germane Trojowitz) situas en Ĉeĥio, regiono Pardubice, distrikto Chrudim, en iom ondoforma pejzaĝo inter rivero Chrudimka kaj rivereto Ležák, 10 km oriente de urbo Chrudim kaj 4 km sude de Hrochův Týnec. Vivas ĉi tie 188 loĝantoj (2024).

La najbaraj municipoj de la setlejo estas Hrochův Týnec, Řestoky, Přestavlky, Honbice, Nabočany kaj Zájezdec.

Historio

Vilaĝo Trojovice estis verŝajne fondita en la 12-a jarcento. Tiam ĝi situis inter tri ekleziaj distriktoj Zájezdec, Řestoky kaj Honbice, sed apartenis al monaĥejo Kladruby. El la tri distriktoj verŝajne ekestis nomo de la vilaĝo. La unua skriba mencio pri la vilaĝo devenas el la jaro 1244, kiam ĝi fariĝis vilaĝo senjora. Senjoroj konstruigis ĉi tie fortikaĵeton, mastruman korton kaj en la jaro 1374 en loko de nuna sanktejo lignan preĝejon de Arĥianĝelo Miĥaelo kun paroĥestra domo. En la jaro 1567 estis en Trojovice konstruita muelejo, en vilaĝo estis jam en mezepoko gastejo kun bier- kaj alkohol-farejoj.

Antaŭ la jaro 1744 la preĝejo en Trojovice kaj paroĥestra domo forbrulis kaj posedantoj de Trojovice, premonstratoj, konstruigis la novan, el ŝtono, kovritan per ŝindo, kun du bulbaj turoj. Bedaŭrinde ankaŭ tiu ĉi preĝejo forbrulis en la jaro 1855 kaj paroĥanoj devis rekonstruigi ĝin. La konstruo estis finita en la jaro 1860.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	373
1880	396
1890	401
1900	381
1910	404
1921	373

Jaro	Loĝantoj
1930	335
1950	270
1961	271
1970	247
1980	217
1991	186

Jaro	Loĝantoj
2001	194
2011	191
2014	189
2016	197
2017	189
2018	187

Jaro	Loĝantoj
2019	187
2020	181
2021	180
2022	186
2023	193
2024	188

Vidindaĵoj

Preĝejo de Ĉefanĝelo Mikaelo

La preĝejo situas sur monteto en centro de la vilaĝo. Estas ununava kun ortangula presbiterejo kaj apuda sakristio kaj kun turo en okcidenta frontalo. Fasado estas fragmentita per kadroj en stuko, oblongaj fenestroj estas kun segmentaj volbaĵoj. La presbiterejo kaj navo estas platplafonaj, triumfa arko duoncirkla, sur okcidenta flanko estas masonita ĥorejo. Sakristio kaj subturejo estas kruce volbitaj. La ĉefaltaro estas rokoka el la dua duono de 18-a jarcento kun bildo de Sankta Miĥaelo, tubernaklo kun figuraj skulptaĵoj kaj statuoj de Sankta Petro kaj Sankta Paŭlo, tri flankaj altaroj kun bildoj de Sankta Adalberto, de Krucumito kaj de Sankta Johano Almozpetanto.

Pluaj konstruaĵoj

Estinta bierfarejo

Bierfarejo estas frubaroka konstruaĵo el la jaro 1681. En ĝia frontalo estas blazono de familiaro Zeller.

Domo n-ro 23

La domo estas el la unua duono de 19-a jarcento kun simple fragmentita fasado.

Humilejo

Krucifikso sur kruciĝo de vojoj al Honbice kaj al Hrochův Týnec estas datita 1772, forĝita, staranta sur ŝtona soklo.

Fortikaĵeto

Ĉe fiŝlago estas ankoraŭ videblaj restoj de estinta fortikaĵeto neniigita en la jaro 1469, verŝajne de hungaroj.

Literaturo

• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj

• Paĝaro de mikroregiono Chrudim ĉeĥe