Cerekvice nad Loučnou

El Vikipedio, la libera enciklopedio
Salti al navigilo Salti al serĉilo
Koordinatoj: 49°54′00″N 16°13′03″E  /  49.9°N, 16.2175°O / 49.9; 16.2175 (Cerekvice nad Loučnou)
Cerekvice nad Loučnou
municipo
Cerekvice nad Loučnou, church.jpg
Cerekvice nad Loučnou flag CZ.svg
Flago
Cerekvice nad Loučnou CoA CZ.svg
Blazono
Oficiala nomo: Cerekvice nad Loučnou
Ŝtato Ĉeĥio Ĉeĥio
Regiono Regiono Pardubice
Distrikto Distrikto Svitavy
Administra municipo Litomyšl
Historia regiono Bohemio
Rivero Loučná
Situo Cerekvice nad Loučnou
 - alteco 294 m s. m.
 - koordinatoj 49°54′00″N 16°13′03″E  /  49.9°N, 16.2175°O / 49.9; 16.2175 (Cerekvice nad Loučnou)
Areo 8,29 km² (829 ha)
Loĝantaro 841 (01.01.2014)
Denseco 101,45 loĝ./km²
Unua skribmencio 1167
Horzono MET (UTC+1)
 - somera tempo MET (UTC+2)
Poŝtkodo 569 53 ĝis 570 01
NUTS 3 CZ053
NUTS 4 CZ0533
NUTS 5 CZ0533 577936
Katastraj teritorioj 2
Partoj de vilaĝo 2
Bazaj sidejunuoj 2
Situo enkadre de Ĉeĥio
ButtonRed.svg
Situo enkadre de Ĉeĥio
Commons-logo.svg Vikimedia Komunejo: Cerekvice nad Loučnou
Retpaĝo: www.cerekvice.eu
Portal.svg Portalo pri Ĉeĥio

Municipo Cerekvice nad Loučnou situas en Ĉeĥio, regiono Pardubice, distrikto Svitavy, en valo de rivero Loučná, proksime de ŝoseo n-ro 35 inter Hradec Králové kaj Olomouc, respektive inter Vysoké Mýto kaj Litomyšl, 8 km sudoriente de Vysoké Mýto kaj 7 km nordokcidente de Litomyšl.

Partoj de la komunumo[redakti | redakti fonton]

Al la komunumo apartenas vilaĝoj:

  • Cerekvice nad Loučnou
  • Pekla

Historio[redakti | redakti fonton]

La unua skriba mencio pri la vilaĝo estas el la jaro 1167, kiam ĝi estis havaĵo de monaĥejo en Litomyšl. Al la klostro dediĉis ĝin en la jaro 1132 la ĉeĥa princo Soběslav la 1-a. Historio de la vilaĝo estis riĉa, ofte ligita kun t.n. Trstenická vojo, kiu laŭlonge de la rivero Loučná ligis centran kaj nordan Bohemion kun Moravio. Ekzemple:

  • en la jaro 1421 trans Cerekvice militiris husana armeo kaj detruis kartuzianan monaĥejon en proksima vilaĝo Tržek.
  • en la jaro 1798 ĉi tie kvartiris rusa armeo kun sia komandanto Borodin.
  • en la jaro 1813 oni gvidis trans Cerekvice multon miloj da francaj militkaptitaj francoj el batalo apud Lejpcigo.
  • en la jaro 1866 fuĝadis trans Cerekvice aŭstria armeo post malvenkita batalo apud Hradec Králové.

La vojo en formo de la ŝoseo n-ro 35 ekzistas ankoraŭ nun.

Memorindaĵoj[redakti | redakti fonton]

Preĝejo[redakti | redakti fonton]

La origina ligna gotika preĝejeto de Sankta Venceslao estis konstruita en la jaro 1350. Post preskaŭ kvin jarcentoj, en la jaro 1840 forbrulis pro granda incendio preskaŭ tuta vilaĝo, inkluzive de la preĝejeto. Jam en la jaro 1842 estis konstruita nova empira preĝejo konsekrita ankaŭ al Sankta Venceslao.

La nova preĝejo estas neorientita, ununava kun ortangule fermita presbiterejo kaj prisma turo en la akso. La navo kaj presbiterejo estas volbitaj per prusaj plataĵoj. Fasadoj estas membrigitaj per bositaj pilastroj, la ĉefa frontono estas triaksa, kronita per malalta triangula pinjono.

Popola arkitekturo[redakti | redakti fonton]

En la vilaĝo estas kelkaj duetaĝaj empiraj domoj konstruitaj post detrua incendio. Tiujn reprezentas aparte domo n-ro 13, duetaĝa oblonga domo, datita sur embrazuro. Teretaĝa estas bieno n-ro 6 kun valora stuka fasado ornamita per kanelaj pilastroj, iam tipa en tiu ĉi parto de la regiono Litomyšl kaj kun niĉo en la gablo. Arkaika estas domo n-ro 11, en kiu ankoraŭ konserviĝis fuma ĉambro.

Statuo[redakti | redakti fonton]

Apud la preĝejo, sur ĝia suda flanko, situas statuo de Sankta Johano Nepomuka.

Ponto[redakti | redakti fonton]

Trans la rivero Loučná gvidas ŝtona ponto konstruita en la jaro 1830. Origina ligna ponto estis kelkfoje detruita per inundo.

Bibliografio[redakti | redakti fonton]

  • Marek Podhorský: Pardubický kraj. Eldonis freytag & berndt, eldonejo en Prago en j. 2004.
  • Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj[redakti | redakti fonton]