Klášterec nad Orlicí
| Klášterec nad Orlicí | |||
| germane Klösterle | |||
| municipo | |||
 Mezo de municipo Klášterec nad Orlicí
| |||
|
|||
| Oficiala nomo: Klášterec nad Orlicí | |||
| Ŝtato |  Ĉeĥio
| ||
|---|---|---|---|
| Regiono | Regiono Pardubice | ||
| Distrikto | Distrikto Ústí nad Orlicí | ||
| Administra municipo | Žamberk | ||
| Historia regiono | Bohemio | ||
| Montaro | Orlica montaro | ||
| Konata loko | Pastviny valbaraĵo | ||
| Rivero | Divoká Orlice | ||
| Situo | Klášterec nad Orlicí | ||
| - alteco | 490 m s. m. | ||
| - koordinatoj | 50° 07′ 15″ N 16° 33′ 11″ O / 50.12083 °N, 16.55306 °O (mapo) | ||
| Areo | 17,91 km² (1 791 ha) | ||
| Loĝantaro | 904 (2024) | ||
| Denseco | 50,47 loĝ./km² | ||
| Unua skribmencio | 1279 | ||
| Horzono | MET (UTC+1) | ||
| - somera tempo | MET (UTC+2) | ||
| Poŝtkodo | 561 82 | ||
| NUTS 3 | CZ053 | ||
| NUTS 4 | CZ0534 | ||
| NUTS 5 | CZ0534 580431 | ||
| Katastraj teritorioj | 1 | ||
| Partoj de municipo | 5 | ||
| Bazaj setlejunuoj | 5 | ||
  Situo enkadre de Ĉeĥio
| |||
 Vikimedia Komunejo: Klášterec nad Orlicí
| |||
| Retpaĝo: www.klasterecnadorlici.cz | |||
 Portalo pri Ĉeĥio
| |||
Municipo Klášterec nad Orlicí situas en Ĉeĥio, regiono Pardubice, distrikto Ústí nad Orlicí, en valo de la rivero Divoká Orlice, 6 km nordoriente de la urbo Žamberk. Vivas ĉi tie 904 loĝantoj (2024). Sude de la vilaĝo troviĝas ripoza areo apud valbaraĵa lago Pastviny.
La najbaraj municipoj de la setlejo estas České Petrovice, Líšnice, Kunvald, Pastviny, Bartošovice v Orlických horách kaj Międzylesie.
Historio
[redakti | redakti fonton]Ĉe la vojo al Silezio, apud vadejo trans la rivero Orlice en la dua duono de 13-a jarcento ekestis monaĥejo de ciriakoj, aŭ de ordeno de Krucanoj kun ruĝa koro kaj ĉirkaŭ ĝi vilaĝo. La unua skriba mencio pri vilaĝo kun origina nomo Orlitz aŭ Orlík (supra parto) kaj Orlička (malsupra parto) estas el la jaro 1295 en buleo de papo Bonifaco la 8-a.
Loĝantaro
[redakti | redakti fonton]| Jaro | Loĝantoj |
|---|---|
| 1869 | 1 594 |
| 1880 | 1 729 |
| 1890 | 1 763 |
| 1900 | 1 701 |
| 1910 | 1 605 |
| 1921 | 1 414 |
| Jaro | Loĝantoj |
|---|---|
| 1930 | 1 330 |
| 1950 | 1 478 |
| 1961 | 923 |
| 1970 | 864 |
| 1980 | 803 |
| 1991 | 771 |
| Jaro | Loĝantoj |
|---|---|
| 2001 | 885 |
| 2011 | 845 |
| 2014 | 888 |
| 2016 | 884 |
| 2017 | 876 |
| 2018 | 887 |
| Jaro | Loĝantoj |
|---|---|
| 2019 | 895 |
| 2020 | 899 |
| 2021 | 888 |
| 2022 | 892 |
| 2023 | 910 |
| 2024 | 904 |
Memorindaĵoj
[redakti | redakti fonton]Preĝejo
[redakti | redakti fonton]Preĝejo de Sankta kruco estis fondita en la tria kvarono de 13-a jarcento norde de estinta monaĥejo de ciriakoj, kaj en la dua duono de 14-a jarcento ĝi estis rekonstruita, poste kun la monaĥejo forbruligita de husanoj kaj renovigita nur en la jaro 1453. Ankoraŭ kelkfoje ĝi estis riparata.
Temas pri larĝa gotika konstruaĵo kun unu oblonga navo kaj poligone fermita presbiterejo kun apogpilieroj. Antaŭ okcidenta fronto estas baroka poligona antaŭĉambro el kiu gvidas gotika pintarka portalo en spacon inter du kapeloj, origine subturejoj, tra kiu oni eniras en la navon. Super la fronto estas ligna turo kun ŝinda tegmento. Sur norda flanko de presbiterejo troviĝas sakristio. Plafono en la navo kaj presbiterejo estas plata, en sakristio estas barela volbo kaj en antaŭĉambro barela volbo kun segmentoj. Triumfa arko estas duoncirkla. Fenestroj de la navo kaj de presbiterejo estas mallarĝaj, pintarkaj.
La ĉefaltaro estas baroka portala kun du anĝeloj kaj bildoj. En presbiterejo dekstre estas baroka altaro de Sankta Johano Nepomuka kaj maldekstre baroka altaro kun statuo de Sankta Maria de Lurdo. Sur dekstra flanka altaro en la navo estas bildo de Sankta Anna de J. Umlauf el la jaro 1887. Maldekstra flanka altaro estas ornamita per bildo de Krucumado. Damaĝita Kalvaria vojo el tempo ĉirkaŭ la jaro 1750 de viena pentristo J. Grippel estis kompletigita per bildoj de J. Kodýtek. Malfrugotika bildo de Kalvario el tempo ĉirkaŭ la jaro 1500 devenas el Orlické Záhoří.
Tombejo
[redakti | redakti fonton]Ĉirkaŭ la preĝejo estas tombejo kaj en ĝi ostejo el la jaro 1793, kvadrata kun kruca volbo.
Paroĥestrejo
[redakti | redakti fonton]La paroĥestrejo estas malfruempira el la jaro 1844, oblonga, duetaĝa.
Statuoj
[redakti | redakti fonton]- Kolono de Sankta Maria inter Sankta Johano Nepomuka kaj Sankta Barbara troviĝas apud la ponto kaj estas origine el la jaro 1721, riparita kaj plialtigita en la jaro 1883 de V. Kalhous.
- Kalvario apud la preĝejo estas el la jaro 1779.
- Apud la vojo al Zbudov estas statuo de Sankta Francisco Xavier el la jaro 1824.
Partoj de municipo
[redakti | redakti fonton]Ĉi tiu domaro ekestis en la jaro 1679, kiel setlejo de laboristoj en nove malfermita minejo de bona sabloŝtono. La laboristoj estis liberigitaj de servutaj devoj krom laboro en ŝtonejo.
Domaro de arbarlaboristoj ekestis en la dua duono de 18-a jarcento. La nomo "Jedlina" en la ĉeĥa signifas "abiarbaro".
Vilaĝo Lhotka ekestis samtempe kun vilaĝo Orlík, Orlitz - Klášterec. La nomo Lhotka devenas verŝajne el vorto "limtempo" (ĉeĥe lhůta). Temis pri tempo post fondo de la vilaĝo, dum kiu la superularo liberigis koloniistojn de servutaj devoj. En la jaro 1713 la vilaĝo estis alligita al Klášterec.
Domaro Zbudov ekestis en la 16-a jarcento, verŝajne sur grundoj restintaj el monaĥeja havaĵo.
Pluaj fotoj
[redakti | redakti fonton]-
Preĝejo de La plej sankta Triunuo -
Baza lernejo -
Rivero Divoká Orlice -
Dia torturo norde de la preĝejo -
Statuo de sankta Francisko norde de la municipo -
Disigita konstruareo en la norda parto de municipo
Bibliografio
[redakti | redakti fonton]- Marek Podhorský: Pardubický kraj. Eldonis freytag & berndt, eldonejo en Prago en j. 2004.
- Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.
Eksteraj ligiloj
[redakti | redakti fonton]
| ||||